بأفكر بصوت عالى
عايزة حزب على مقاسى لانى ضد الاحزاب من نواحى كثيرة انا عايزة حزب يكون مع دينى وعقيدتى ويحترمنى ويقدرنى ويقدر شعب كامل ومش عايزة كلام مكلكع لانه مش بيجيب ولا بيودى بالعكس بيخلى الواحد قاعد فى مكانه
القانون اتغيير وفى فرصة كويسة للمرأة ليه مش عارفه على الرغم انه على راى المثل ولا هنحل ولا هنربط بس اهو فرصة ولازم استغلها يمكن افيد ولازم الواحد كمان يكون فى حزب علشان يقدر يخوض الانتخابات وانا كنت ناوية انزل محليات حاجة على ادنا كده وكمان فرصة
النجاح فيه كويسة وبما ان الانتخابات هتكون بالقوائم فلازم اشوف حزب ازق فيها نفسى قعدت افكر مش لاقية على الرغم احد الاصدقاء من حزب التجمع قام مشكورآ وكلم المسئولين فى الحزب وبرضو اخويا بقى فى الحزب الوطنى قالى ادخلى معانا وطبعا حتى الان لم اتخذ اى قرار
ماذا افعل هل ابعد واقعد اندب حظى ان مفيش حزب على مقاسى
62 comments:
اي حزب زقي فية نفسك بس ميكونش علي وزن الزمالك ابقي احجزيلي كرسي جنبك
:)
اقولك الحزب اللي يريحك.... علي حزب وداد قلبي ..
هههههه
اومال ايه يا اماني بعتي ابناء مصر ولا ايه !؟؟ خلاص نخليها بنات مصر
تحياتي
ومستني ردك
نفسي في حزب ليبرالي معتدل بيحترم الاخرين بيسعى من غير ما يجرح في حد
حزب يقدر يبني لنفسه شعبية وقاعدة عريضة مش مبنية على اللعب بالدين ولا مبنية كمان على المصلحة والمحسوبية
بس قبل كل دة نفسي في بلد نقدر نعمل فيه كدة
فكرة البوست جميلة
تحياتي ليكي
اقولك حاجة يا بشندة؟؟
و الله ماعرفة أقولك ايه..أصل احنا لو في بلد بتحترم الرأي و الرأي الأخر كان هيبقى سهل أقولك ابدأي بحزبك انت...
أو كنت حتى هقولك مش لازم حزب اعملي تجمع...بس في بلد و قوانين زي الي احنا فيها كده يبقى انا مش بنصحك كده يبقى انا بدورلك على طريقة أوديكي فيها ورا الشمس...
أقولك حاجة, اعملي نفسك عبيطة !!!!
معلش نسيت أقول حاجة كمان؛ وطي صوتك شوية لأصلوا كان عالي وشوشر على تفكيري و انا بحاول أعمل البسلة...LooooooL.... just kidding girll :):):) keep up the good workkk
اخبارك ايه امانى شكرا علىسؤالك
تعرفى انا اصلا مش عارفه يعنى ايه حزب وايه وجهالاختلاف بين كل حزب والتانى
هههههههههههه
لأ مش ممكن يا أماني
عايزة حزب
هههههه
أنا رأي من رأي مريم برضة
لو كان ينفع كنا قلنا اعملي لنفسك حزب
و نصيحتي ليكي زي مريم برضة !!!
هههههههههه
حزب !!
وقع بيان المدونين للتضامن مع عبدالمنعم محمود
شارك بتوقيعك
أنشر البيان في كل مدونة تعرفها
ساهم في حرية المدونين .. وحرية منعم
http://free4monem.blogspot.com/
اشتركى فى حزب ملناش دعوه
نفصلك حزب و لا يهمك جت عليكى يعنى
انتى بس قولى عاوزة ايه من قوانين و قواعد للحزب و عاوزة مين الاعضاء معاكى و ان شاء الله فى خلال يوميم يبقى جاهز
و بعدين مع احترامى يعنى هيا الاحزاب بتودى و لا تجيب اهو كله كلام علشان واجهة الحكومة
و سلميلى على الحزب الوطنى
كراكيب عادل
ازاى هو فى حزب اقوى من الزمالك ما اعتقدش
:D
ابن ناصر
حتى عبد الحليم حافظ الله يرحمه مفيش وداد ولا غيرها
نخليها بنات بس انا مش مسئولة لانهن غير كاملات الاهلية
:D
a.samir
حضرتك عايز حزب ليبرالى اممممممم
انا مش عايزة ولا حزب من الاحزاب الموجودة ولا حتى تكون تحمل فى مضمونها هذه المسميات لاننا باقلنا سنين بنسمع نفس الاتجاهات ولا جديد حتى الان
:D
مرمر
طيب ورا الشمس اكيد الجو كويس اصل عندنا الجو حر مووت هههههه حاضر هافكر بصوت واطى اوووووووى
هههههه
رفقة
على ايه يا جميل ما قولنا كلنا اخوات عارفه لو قعدتى كل شوية تقولى كل شوية شكرا شكرا انتى حرة بقى فى اللى هيحصلك
سيبك منهم الاحزاب دول كلهم على الورق بس ربنا يكون بعون الشعب
:D
عيلة وعايزة تفهم
ما تجى نعمل حزب للبنات بس هههههه
يمكن نفلح
على الرغم انى عارفه هنجيبها ارضى من بدرى هههههه
AbdElRaHmaN Ayyash
ربنا يفك سجنه ياااارب امين
استاذ محمد
بس حضرتك ما قولتش حزب ايه ؟ممممم
:D
مـااااعلينا
ايوا يااختى الله يرضى عليكى اصل الجاهز مش مقاسى اعمل ايه بقى
والحزب الوطنى بيسلم عليكى كتير اووووى
:D
السلام عليكم
بص يا مانو يا حبيبى انا اعرف تارزى كويس انتى عاوزاه مكسم من فوق ونازل على واسع ولا ايه
انتى فكرك يا امانى ان كل الاحزاب الموجوده مش على المقاس لا هيه على مقاس ناس تانى
يعنى كل واحد بيدور على مقاسه او بمعنى اصح على مصلحته
الاحزاب ما هيه الا اغراض شخصيه
اه فى كتير بيدخلوها عشان يغيروا حاجه بس اللى بيحصل انهم همم اللى بيتغيروا
وانتى عارفه طبعا الجمله الشهيره اللى سمعتيها من
(........)
يا امانى انتوا مش فاهمين دول بيعملوا لمصلحه البلد
يا بنتى عواد باع ارضه
بس برضه لسه جوانا امل
سيدنا ونبينا وشفعنا وحبيبنا محمد عليه افضل الصلاه والاسلام قال
الخير فى امتى الى يوم الدين
ان شاء الله الخير جاى
بسم الله الرحمن الرحيم
ان مع العسر يسر
لنا الله
حزب ملناش دعوه
اسم الحزب كده
ملناش دعوه
حزب علي مقاسك
حزب علي مقاسك
حزب علي مقاسك
حزب علي مقاسك
حزب علي مقاسك
حزب علي مقاسك
حزب علي مقاسك
حزب علي مقاسك
هممممممممممم
أعتقد أنك أنت حلتيها
لأن دينا وعقيدتنا هي حزبنا
وعمرك ماهتلاقي حاجة تريحك في اي حتة تانية
شوفي يا أماني هانم...بلا حزب بلا يحزنون أنا عمري مشفت حزب عمل حاجة عليها القيمة اليومين دول
أحسن حاجة حبي دراستك أو شغلك أخدمي الناس بحب علي قد ماتقدري حاول تغيثي ملهوف أو تنصري ضعيف أو تدلي تائة
تكتب كلمة حق من القلب في مدونتك أو تشجعي غيرك علي الحق في مدونته
أما أحزاب وكلام فارغ أحنا معندناش بنات يخرجوا مالدار ولا يشتغلوا في السياسة..شوية شوية وألقيكي مرشحة نفسك للعموديه ...وعلي فكرة فكرتك عني خطأ...سلام
الأحزاب المصرية لا يمكن يتواجد بها اصلاح فعلى الا بنضمام كوادر شبابيا بداخلهم افكار للاصلاح .
مشكلتنا ان الطموح اتقتل وبنحلم وبنتمنى بدون ما نفكر فى اننا نتعاون ونبزل مجهود
امانى للاسف تعثرتى على اجابة لسؤالك لملحظتى للتعلقات الزملاء .
فيكى تقبلى النصيحة وتكبرى دماغك وتنضمى للحزب الوطنى , وفيكى تجاهل الفكرة من الاساس , وفيكى ايضاً انضمامك لعمل او نشاط يكون بمسابة اول الطريق بنسبالك
ههههه ياريت تلاقي وتقوليلي عليه علشان انضم اليه تحياتي ليكي
يعني رحتي الاستفتاء الي فات وسكتنا ..
طلعتي محامية قلنا وإيه يعني ....
بتشجعي الزمالك قلنا مش عيب ...
دلوقتي عايزة تدخلي عملية التهريج الكبرى اللي اسمها الحياة سياسية في مصر .. لا وإيه كمان .. حزب وطني ..
طيب .. أنا مش حتكلم ..
نسر
وعليكم السلام ورحمة الله وبركاته
ياريت يا نسر طبعا انتى عارفه الموضة ومراره ومش بيمشى معايا ههههه
فاكرة يا اختى الجملة (....) ويادوب سامعها واكيد طبعا كما قال رسولنا الكريم عليه افضل الصلاة والسلام
الخير فى امتى الى يوم الدين
:D
استاذ محمد
والله حزب ممتاز وايه راى حضرتك تكون الامين العام لحزب مالناش دعوة
:D
باشهمندس بينو
للاسف حتى دنيا مسكثيرنها علينا وعايزين دولة على الموضة علشان يكلموا عربدتهم
ربنا يرحمنا من عنده
سكتم بكتم
ايوا هو فعلا الاحزاب حاليا اشجار خاوية
وربنا يقدرنا ويقدرك ويقدر كل المسلمين اننا نقول كلمة حق ويقوينا عليها يااااااارب امين
بس تجى للجد لو ينفع العمودية والكلام دى ليا اكيد هاكون اول المرشحيين ليها حتى لو حزب وطنى اه منظر بقى بشوية الخفرا " غفرا " واحكم القرية بتاعنا اللى مش عارفه مين داخل ولا مين خارج فيها
ههههههههههه
شوفت الافترا
فكرتى خطأ اممممممم بس انا قولت الله اعلم هو تخمين بس
:D
حنتكلم
الاحزاب المصرية للاسف خلاص عصرها انتهى ومش هينفع فيها ترميم لانها اتخربت على الاخر هذا راى علشان كده عايزة حزب جديد ومن منظور جديد وافكار جديدة وايدلوجيا جديدة وكمان من غير ما يكون صعب على الناس فهمه
صعب حد يجاوبنى لانه فعلا مفيش
مـــاعلــينا
روحت الاستفتاء وجالى مرض علشان ما سمعتش الكلام هههه وطبعا خلاص حرمت هاسمع الكلام من هنا ورايح ههههههه
المحاماه سبتها لانى فشلت فيها فشل ذريع واكيد هاكتب عنه وعن ماسأتى فيها
والزمالك خلاص بعتهم فى اول محطة قبل ما اخسر فيهم
والحزب الوطنى اول ما دخلتها ضغطى ارتفع اووووى
فاضلة مصر اللى هاسيبها قريب ان شاء الله
بس اروح فين مش عارفه حــتى الان
:D
شو تروحي وين؟؟؟ تعالي عندنا عنه احزاب اشي بيفتح النفس اما يا حبيتي بالنسبة للاحزاب ف انا من رايي مش بس مالهاش ضرورة دي ديكور سواء معارضة و لا صديقه الوعاء واحد صدقيني
شوفي انا الي تجربة حلوة مع الاحزاب انا انتمي لحزب والدي و الدتي لحزب اخر ... خطيبي كان حزب تاني . هههه و مش اي حزب كان بينا خلاف ايدلوجي كبير و رهيب .. لو عندي اخوة كان لاقيتي عندنا بالين الاحزاب الفلسطينه كلها .. خيتي اماني ابدا الاحزاب لا تمثل طموحنا الكامل و اهدافنا و احلامنا ما في حزب كامل متكامل و لا حيكون لاني قولتلك مرة انه الاحزاب و شعارتها بالغالب بتكون لاهداف فئوية مش جاية اناقش الاحزاب و هدفها بقدر ما بدي ااكد صدقيني الاحزاب ما ضافت النا اشي بالعكس تماما .. الي صديقة من ايطاليا كنا بنحكي عن الاحزاب بسالها لو انحلت الاحزاب عندكم شو رح يصير قالت رح يفشل النظام السياسي قالتلي و انتو؟؟ ضحكت و قولتلها و لا اشي ما رح يتغر اشي الا انه السجون بتفضى بس لن يتغير شيء ...فعزيزتي احزابنا مجرد اهدار وقت و تغميس خارج الصحن بس ..
و لو عندي ثقة بالاحزاب و متفائله فيها كان كنت اول وحده تدعم التحزب .بس حتى فهمنا للاحزاب متدني معناش وعي حزبي و حتى الي بصير متحزب تلاقي ولائه للحزب اكتر من الدوله و ع هالقياس قيسي و سلامتك و تعيشي و حسره عليكي يا بلد
تعالي هنا عايزة تروحي الحزب الوطني اهلا اهلا و انتي كنتي بتسجلي الكلام الي كنا بنحكي لا انا بطلت اتكلم خلص روحي براحتك انا ماليش دعوة .. تعالي عندنا و نألف حزب و لا تزعلي انتي مسؤولة الحزب و نعمل حزب قومي يميني يساري موحد و نكيد العزال اكيد عارفه مين ههههههه تحياتي رغاية بعرف حالي :-)
السلام عليكم
لما تدخلي حزب نصيحة مني شوفي حزب ليه شعبيه ولو ان مفيش اليومين دول
علشان موضوع القوائم
لازم يكون فيه نسبة ناجحين
وغالبا محدش بينجح
اهي ماشيه وبتعدي
وفي وسط الصراعات دي
مين ميحبش ....................
مصر امانه يا رافت
في رقبتي يا فندم
ابقي خديني معاكي في الحزب الجديد اللي هتعمليه
واقترح تسميه حزب " كله موجود "
دعوه للمشاركه يعني
أماني أنا طبعاً مش هاقدر اديكي إجابة صحيحة علي سؤالك ليس لشئ الا لاني عضو في أحد الاحزاب (حزب الغد) فاعتقد انه طالما انتي مش مقتنعة ببرنامج الحزب يبقي مهما قلت رائي وانتي مش مقتنعة يبقي معملناش حاجة
علي العموم لو فكرة إنضمامك لحزب الغدطرحت انا مستعد لاي حاجة سواء عرض البرنامج او اي حاجة
الاستاذ فارس
معلش بقى حتى النظر راح
انا بقى اللى هأتعب حضرتك وتشوفلنا حزب معاك يكون كويس وكله بثوابه
:D
عيونى ندى
والله ياختى كلنا طبعاعارفين كويس الاحزاب فى الدول العربية ايه مالهاش لازمة كلها كلام فاضى
ومتخافيش يا عزيزتى طبعا انا مش بأحفظ الحوارات زى ناس هههههه
واهم شئ نكيد العزال دى فكرة كويسة اوووى
:D
الاستاذ مهند
حزب ليه شعبية زى ما حضرتك قولت طبعا مفيش
بس الحزب الناجحين فيه وده اللى بأرشحهم بقوة انى انضم معاهم وابيع الناس كلهم هههه
ولغاية دلوقتى كده عندنا اسمين
حزب مالناش دعوة وده اقتراح الاستاذ محمد حضرتك حزب كله موجود هنعمل استفتاء ونشوف اعلى الاصوات
:D
الاستاذ احمد العربى
شكرا لحضرتك كتير والله للاسف الاحزاب فى مصر اشجار خاوية
وربنا يوفقكم ويصلح حال الجميع
:D
ايه ده لأ تلاتة يا أماني
انتي نسيتي اقتراح حزب البنات البنات ألطف الكائنات
تحت رعاية ماما سوزي
قلبى
قلبى قلبى
حموتتتتتتت
الحقونا يا خلايق
صحبتى عايزه تنضم لحزب
الهم انى لا اسألك رد القضاء ولكنى اسألك اللطف فيه
خلاص بعتى ابناء مصر يا امانى
طب والله لجيلك اسوان انا والعيال بتوع الحركه
ال حزب ال
ارجعلى لعقلك يا امانى....انتى مين زعلك يا ماما
بلاش والنبى موضوع الاحزاب دا
عيلة وعايزة تفهم
قال حزب للبنات دا كلام يابنتى بنات ايه
:D
ومين قالك انهم الطف الكائنات انتى صدقتى ههههه مسكينة والله
بس قولى الاسم علشان نحطه فى الاستفتاء ههه
اوعى تنسى ايه الاسم يا سكر بس بلاش الطف علشان ماحدش يصدق ويطمع فينا
ههههههه احنا عايزين نكون رجالة
ههههههههههههه
منمن
بعد الشر عليكى اللهى اللى يكرهك يا عسل
ازاى يعنى ابيع ابناء مصر دا كلام
احزاب احزاب هههههه لازم يختى عايزة انزل الانتخابات ولازم تجى توقفى معايا وكده يعنى علشان اشوفك بعدين بحتة ارض فى اسوان الجديدة ههههه وكمان عايزة الحق ليا مكان فى الوسع ادينى قولتك انتى حرة بقى
ههههههه
يااااااااااه
ببساطة انتى تحلمين
الواقع غير ما تظننين
وما تأملين في تلك الاحزاب
تحياتي
احيانا تبدو المشكلة في الاحزاب ولكني شخصيا لا انظر لها كذلك فالمشكلة حقا في الناس السلبية بخوفها وفي النظام القاتل لحرية الناس والخانق لهم والمتحكم حتى في قدرتهم على الاختيار
ربنا معاكي
ومعانا
مع تحياتي
صاحب البوابة
نحن لا نأمل فى الاحزاب المصرية لانهم كلهم شبه ميتين وللاسف هذا واقع مرير
تحياتى
حائر فى دنيا الله
الاحزاب لم تقدر ان تتواجد مع الناس ولم تقدر ان تصل لهم فما فايدة شئ لا يصل الى الناس حتى لو لم يوجد حرية
الاحزاب مفتقدة كيفية الوصول الى الجماهير
تحياتى
ارشح لك حزب الله بس مش بتاع حسن نصرالا
ألا إن حزب الله هم الغالبون
عصفور المدينة
ونعمة بالله
أمانى ياحبيبتى
ازيك وحشتينى ياقمر
وشكرا على سؤالك
اما بالنسبة للأحزاب فخلاص معتقدش ان بقي يجى منها فايدة
عاشقة الوطن
ازيك يا قطة عاملة ايه الحمدلله انك بخير
:D
بسم الله ما شاء الله
مدونتك اتطورت و بان فيها الشقاوة
:)
انا عندى فكرة ممكن نخلى اى حزب على مقاسن اننا نغسله و نشطفه و اكيد هايكش
لان الاحزاب قماشها تعبان
شفتى بقى سهلة ازاى؟
بس عايزاه لونه ايه؟
انا عن نفسى عايزه اخضر و بأستك من فوق
:)
الباشمهندس خالد
ده طبعا المذاكرة فى مدونة حضرتك ربنا يزيدها ياااااااااارب ويكرمك ياااااا باشمهندس
وبخصوص الاحزاب هو تقريبا القماش الايام دى شاحح من السوق الظاهر فى حد محتكرها زى الحديد
على ما اعتقد اللون ده هتلاقى فى عبد الرحيم الدسوقى
:D
سلام عليكم
موضوع ع الجرح ياواد يا خالد
اختي في الله اماني
وليه تدخلي احزاب اصلا؟؟
والله من ضمن اسباب تفرق المسلمين وشتاتهم هي الاحزاب
مش عارف حزب ايه بيتبني الفكر العلماني وحزب س ليبرالي وحزب ص شيوعي وحزب ع اسلامي وحزب ف قومية عربية وحزب ك ديمقراطي ....وحزب ل اشتركي ....وحزب....وحزب...وحزب.....
قال الله عزوجل
(فتقطعوا أمرهم بينهم زبرا كل حزب بما لديهم فرحون..فذرهم في غمرتهــــــــــم حتى حين) شوفي ربنا سبحانه وتعال عبر عنهم بانهم في (غمرة)
فنصيحتي لنفسي ولكل مسلم...يا اخي متنتميش لاي حزب...لاي انتمائك لاي حزب يعني ايمانك بمبادئ ذاك الحزب...حتى ولو كنت مش متفق معاه كليا...وطبعا مفيش ولا حزب من الاحزاب الموجودة على الساحة...بينتهج النهج الاسلامي المقتبس من قال الله قال رسول الله
كل واحد دماغه فيها افكار معينة وفاكر انه الصح ولسان حاله زي فرعون بيقول (ما أريكم إلا ما أرى وما أهديكم إلا سبيل الرشاد)
قال الله تعالى ايضا عن التفرق والتحزب
(واعتصموا بحبل الله جميعا ولا تفرقوا)
فهل المؤسسين للاحزاب والمنتمين للاحزاب طبقوا امر الله في ان يتمسكوا بحبل الله ولا يتفرقوا؟؟ بالطبع لا
طيب خدي الاية دي كمان
قال تعالى (ولا تكونوا من المشركين..من الذين فرقوا دينهم وكانوا شيعا كل حزب بما لديهم فرحون)
اختي اماني ..وكل مسلم
اسمع بقلبك لقول ربك
(ِنَّ الَّذِينَ فَرَّقُواْ دِينَهُمْ وَكَانُواْ شِيَعاً -يعني أحزابا-لَّسْتَ مِنْهُمْ فِي شَيْءٍ-يعني بلغتنا الدارجة..ملكش دعوة بيهم ولا تنتمي إليهم)
فلا حزبية في الاسلام...ومبدأ قيام الاحزاب اصلا مرفوض لان كل حزب ليه افكار ومبادئ واعضاء بيدافعوا عن مبادئ الحزب..حتى ولو كانت مخالفة للاسلام
اختي
انهي تعليقي بهذا الحديث الشريف الذي قال فيه النبي-ص-
(تكون دعاة على أبواب جهنم من أجابهم إليها قذفوه فيها هم قوم من جلدتنا يتكلمون بألسنتنا فالزم جماعة المسلمين وإمامهم فإن لم تكن جماعة ولا إمام فاعتزل تلك الفرق كلها ولو أن تعض بأصل شجرة حتى يدركك الموت وأنت كذلك . )
فقول كما قال علمارنا
ان سألوك عن شيخك فقل شيخي رسول الله
وان سالوك عن جماعتك فقل : جماعة المسلمين
وإن سالوك عن حزبك فقل حزب الله (طبعا مش بتاع حسن نصر الشيعي زي ما قال اخونا عصفور)
معلشي طولت عليكم
ادعوا لي وربنا يكرمك
لا لا لا مليش دعوه
والله انا كنت فى حيره مع نفسى كده من زمان بس انا استقريت انا حزب نفسى لغايه ما اشوف حزب يليق بدماغى وافكارى المجنونه
سلم يا بنت الجنوب
حسام مراد
شغال
سلااماااااااااااااااااااات
دكتور خالد
جزاك الله خيــرا ووفقك لما يحب ويرضى اللهم امــين
ولا طولت ولا حاجة يا دكتور البيت بيتك ده كفاية تشريف حضرتك عندنا
:D
استاذ محمد
من اولها بتبيع
:D
حسام مراد
هههه كمان حضرتك عايز حزب للناس اللى مخهم ممممم
:D
مفيش حد بيلاقي حد متفق معاه ميه في الميه
كل مجموعه فكرها نتقارب بتدور على بعض وبيعملو حزب وطبعا ده مش عندنا في مصر
دوري على اقرب حاجه موجودة لتفكيرك
بس طبعا بعيد عن الاختيارات العبقرية ده
حزب وطني ايه وتجمع ايه ، مش لاقية غير دول
انا محتاجك عندي تردي علي كام سوال كده وشكرا ليكي
عايزه حزب ليه اصلا
ايه اللى ممكن يديهولك الحزب ومحتاجاه علشان تدورى على اى حزب تنضمى ليه
كلام
شعارات
هتافات
كلها مش محتاجه حزب
معتقدش الاحزاب بتعمل اكتر من كده
مفيش احسن من حزب نفسك
تحياتى
شكرا جزيلاً
وجزاكم خيرا مثله
هو للاسف الاحزاب المعترف بيها قانونيا غير معترف بيها شعبيا وبقى مشكوك فيها كمان لان الحكومة بتمنع اى حزب تحس انه هيعمل حاجة وعرفت تقضى على الغد وعلى الوفد بالمشاكل اللى فيه انما التجمع فهو مقضى عليه اصلا وخصوصا فى الانتخابات الاخيرة بان شعبيته وصلت لفين انما الوطنى بقى اعتقد انه مش حزب اصلا نفسى اشوف حد بيناصره او يقول على مبادئه او يدافع عنه ويتبهدل عشانه حزب ايه ده بس اذا بس يوم بعدت عنه السلطة نفسى اشوفه هايعمل ايه فى المعارضة مفيش احسن من حزب وداد
فؤاده
اصل للاسف مفيش غيرهم على الساحة
:-D
الاستاذ فارس
اكيد هاروح واشوف الجديد عند حضرتك اوعى يكون كالعادة ممممم
ههههه
ريموو
للاسف ياختى مش بمزاجنا لان دلوقتى الانتخابات هتكون بنظام القوائم
بس انا اصلا ماليش فى الاحزاب
:-D
دكتور خالد
الشكر لله يا دكتور
تحياتى لحضرتك
امام الجيل
تصدق بقى حد حزب وداد مفيش هههههههه دلوقتى لانه مفيش اصلا وداد كله اسماء على الموضة
هو احنا ليه مصرين على التصنيفات ؟؟الاحزاب الموجوده يادوب بتتخانق على الرئاسه..مش رئاسة الجمهوريه طبعا ..رئاسة الحزب نفسه...آخرهم يعملوا حفله عيد ميلاد ولا بيعرفوا يعملوا مظاهره حتى
السياسه فى مصر ومن غير كسوف محتاجين نتعلمها من اول وجديد
e7na
هو فعلا كده احنا لسه عايزين نتعلم الف باء سياسة
:D
ايه ياست بشندة ؟؟؟
بقالك 9 أيام بتفكري بصوت عالي؟؟ صدعتينا !!!
انتي فين يا ستي ماكتبتيش بقالك فترة أهو !!
يارب خير..أنا كنت عايزة أبعتلك ميل بس معيش الأميل بتاعك !!!
يارب تكوني بخير و تكتبي حاجة جديدة :):):):)
تحياتي
مرمر
ازيك يا جميل معلش بقى اصل التفكير مش سهل وانا فعلا والله محتارة يلا شكلى هالغى كل شئ
ومعلش بقى على الصداع البرشام على حسابى يا جميل
ده ايميلى
tmr_hendy80@hotmail.com
ومتخافيش عليا الوحش لايموت ولا يضيع دورى عليا هتلاقينى فى المدونات هههههههه اما حكاية الكتابةمش قادرة والله لان حالتى الايام يلا المهم ادعيلى
لا يوجد أى حزب بمصر يسعى لرفاهية شعبه وتحكيم شرعه أختنا الفاضله كلهم أهدافهم حزبيه بغيضه أو شخصيه دنيئه ..وليس شرطا أن تكونى بحزب يكفى أنك تسعى للتغيير ممن حولك بعملك ببيتك مع أقربائك أصدقائك وكما قيل كلكم راع ومسؤول عن رعيته...وتذكرى أن كل واحد منا على ثغر من ثغور الاسلام لا يجب أن يؤتى منه الاسلام فالطالب على ثغر فواجب أن يتفوق فيه لخدمت دينه والموظف على ثغر فواجب أن يتقى الله فى عمله لخدمة دينه وهكذا فاذا قمنا بهذا سقطت كل هذه الأحزاب التى تدعى أنها تريد خدمة الوطن سواء باسم الدين او باسم الديموقراطيه والعلمانيه.......لكم منى أطيب التحيه...
عــدو الظالم
تحياتى لحضرتك ولكلامك الطيب نرجوا من الله ان نكون نافعين لهذه الامة يااااااااارب آمـــين
Post a Comment