مش كفاية اللى احنا حتى فريقى المفضل واجع قلبى بجد تعبت لانى بقيت بأتكسف اقول انى زملكاوية
خلاااااااااااااااااااص مش هأشجع حد تانى وكفاية لغاية هـنا
كل يوم هزيمة كل يوم هزيمة ايه مش بتغيروا من باقى الفرق ولا نفسكم تغلبوا ايه ده
كانوا بيقولوا يا زمالك يا مدرسة لعب وفن وهندسة
ايه سبتوا التعليم وهربتوا ولا ايه
وباقولها وكلى أسف وداعــآ الزمــالك لن أشجعك بعد اليوم ولن أشجع اى فريق تانى خلاص
53 comments:
السلام عليكم
من واحد اهلاوي صميم
اللي هوه انا
يا سيدتي الفاضله
عيوب النادي الزمالك معروفه جدا وحلها بسيط قوي
بس المشكله مين اللي يقوم بدور المصلح وسط تخبطات الاخوه اللي في مجالس الادارات المختلفه
من اهم اسباب الهزيمة اللي شوفناها ديه
ان الفريق عارف كويس انه كالعاده هيقولو اللعيبه تعمل ايه ومجالس اداره ومصاريف ميه ونور
والمشاكل اياها
لو اللعيبه دول اتحاسبو علي لعبهم السئ
من بداية الموسم كان كل واحد فيهمعرف انه بيلعب لنادي عريق
مش لمركز شباب وادي النيل
والله انا شخصيا شايف ان كل اللعيبه دول يمشو ويجيبو لعيبه ناشئين
اينعم هتخبطو في البدايه ومش هيجيبو بطولات
بس صدقيني بعد كام سنه هيرجع الزمالك الند الحقيقي للاهلي
لكن لو الحال ده استمر
ولا بعد عشرين سنه هياخدو حاجه لا بهنري ميشيل ولا بهنري بعجر
--------------------------
بالنسبه لتخليكي عن فريقك في وقت هزيمته دا غلط
بعد اذنك انا اهلاوي وبشجع الاهلي حتي في سنواته العجاف لانه زي ما بيحزنني بيفرحني وبيخليني فخور بيه اوقات كتير
العلاقه علاقه حب في الاساس
مش علاقه منفعه
علشان كده لازم تسندو فريقكم في احلك الظروف
تقبلي تحياتي
مهند المصري
يا بشندة يا عسل أنا برضوا قولت عليكي عاقلة...
بما اني أهلاوية حتى النخاع مش هعود أتريئ على الزمالك على أساس ان ده بقى طبيعي بس هقول كلمة الحق: الزمالك و الله كان فرقة كويسة و ليها تقلها أي نعم هي دلوقتي بقالها فترة طويلة جدا في الحضيض, بس أظن انها هترجع تاني..امتى بقى ده في علم الغيب..
بس و الله انا نفسي ترجع فرقة جامدة تاني بسرعة عشان الدوري و الكاس يرجعوا جامدين تاني.... ويرجع في تاني تحدي قوي بين الفرقتين زي زمان....
انا اهلاوى وقرفت من الى حصل والله ، فاضل كاس مصر يخرج منه وتبقى ثالث سنه بدون اى بطولات ، المشكله مش فى عدم الحصول على البطولات فقط المشكله اولاً فى الروح وسلوك الفريق الذى تشعر وكأنه مات والثانيه ان العزف المنفرد لجهه ما فى مضمار ما لا يطرب ولا يقدم
خليكى شجعى الزمالك متعمليش زى اخوياالخايب اصبرى لعل الغمه تنقشع
مع اني كنت قرفان جدا وكنت مصمصم على اني متكلمش في موضوع الزمالك دا على المدونة بس اعمل ايه
لقيت حد زملكاوي زيي وقرفان برضه وصبره نفذ خلاص
يعني كل اما نقول اهو هتفرج اهي هتفرج اهي
يقوموا يفسدوا دمنا ولاد الايه، والله حرام عليهم فلوس وقبضوا مدرب وعندهم واحد زي الفل مجلس ادارة وسجنوا مرتضى وجابوا عباش بنك الفلوس المتحرك جمهور وبيروح يشجع وصابر
نعمل ايه بس
يكونش الاهلاوية عاملين لينا عمل ورامينه في بير مردوم
والله ممكن حاكم فيه شوية اهلاوية بيحقدوا على انجازاتنا (آل هيا فين انجازتنا صحيح)ههههه
هم يضحك وهم يبكي
برافو
برافو
يا اماني
الاعتراف بالحق فضيلة
زمالك اية
ده كان زمان
اقولك بما انك رياضية
حولي ع الاهلي
هههههه
بجد والله
انا نص الزملاكوياة صحابي اهلاوية دلوقتي
زماااااان...
ايام الشباب والعنفوان...كح كح
كنت..كح كح
بشجع نادي..كح كح...الزمالك
بس الحمد لله...الوقتي..كح كح
معتش بشجع الا نفساويتي...كح كح
كان والدي الله يرحمه مغرم كورة جدا جدا جدا...وكان بيحب الزمالك والكورة
بس من ايام مذبحة جنين اللي اليهود عملوها في فلسطين اخذ عهد على نفسه انه لا عاد هيتفرج على كورة ولا عاد هيشع كورة...والحمد لله بعدها تجه لربنا -سبحانه وتعالى وحفظ القرآن وقراءة الفقه والعقيدة والحمد لله ...ختم له بخاتمة حسنة -احسبه كذلك ولا ازكيه على الله-
معلش يا ابنائي...طولت عليكم
كح كح
السلام عليكم
اهلاويه من الاول لللاخر
زمالـــك زمالــــــــك زمالــــــك
انا فاكره انى سمعت الكلمه ديه قبل كده
بس فين مش فاكره
فين يا ربى فين يا ربى
مش قادره افتكر خالص
زمااااااااااالك اه افتركت
مش كان فى زمان متهيقلى كده نادى اسمه زمالك
زمالك ايه يا امانى مخلاص والله الواحد حزين منه وحزين عليه
مفروض فعلا يكون فى موقف حازم معاه
ولو مش عاجبكم حازم يبقى حاتم جازم
ياله ربنا يتولاه برحمته
هو انتى ليكى فى الكوره
وكمان الزمالك
زمالك ايه بس يا بنتى اللى مدرسه وهندسه
الزمالك طول عمره بيطلع بملحق
وجوووووووووووووووول
ايه في ايه فيين الزلكاوي كلهم بيتبروا من زمالكويتهم ,,,انا زملكاوي صميم ..لكن لعب الزمالك خلاني مابتفرجش علي كوره
الحقيقه بقي
تحياتي
وعليكم الســلام ورحمة الله وبركاته
استاذ مهند
اه عيوبه معروفة هنعمل ايه اكيد المشاكل اللى فى الاسرة بتأثر على أداة وتحصيل الاولاد
:D
ياريت يمشوا ونرتاح منهم لان الواحد بجد تعب منهم اووووى ومن دلعهم
على فكرة انا مش بأختلى عنه لاء لازم يحسوا بالخطأ تجاه مشجعينهم وجمهورهم و هما بيعلبوا دلع وكمان تحس انهم مش عايزين يغلبوا طب مش يحترموا الجمهور اللى بيروح وراهم وكمان الجمهور مالو ومال مشاكلهم اللى مش بتخلص واحنا بنى ادمين وبنحب فريق ونادى عريق وكمان مفيش منفعة واحنا مش هنقبض لما هما يقبضوابس على الاقل فى المقابل يكون فى احترام للجمهور اللى مقهور من الحكومة وكمان الفريق مش حرام
تحياتى
مرمر
هى فترة بس انا ليا سنين مش بأشوف منهم غير الهزيمة
ربنا يقومه بالســـلامة يااااااارب
الاســتاذ محمد
اكيد برضو هيطلعوا من المولد بلا حمص قصدى من البطولة
وفعلا المشكلة فى روحهم و سلوكهم ده بيدل على انهم خلاص باعوا القضية
نرجوا من الله ان الغمة تنقشع بس حضرتك مش ملاحظ انه طول شوية
بس هنقول ايه ربنا كريم
تحيـاتى لحضرتك
حائر فى دنيا الله
أخيـرا لقيت حد زملكاوية
لا دا العمل مربوط فى رجل نملة وتلاقيه حد داس عليه هههه
هنقول ايه
لانملك غير الدعاء للزمالك ربنا يفك كربه ويفرج همه
يااارب امين
احمد العربى
لازم نعترف اصل هنخبى الفضيحة ازاى
:D
لالالا يا استاذ احمد يا اشجع الزمالك يا اعتزل الكورة ههههه زى ما هاعمل
دكتور خالد
شوفت الزمالك بيعملوا ايه فى مشجعينهم بيتعبوهم مش يرفعوا من معنوياتهم أهئ أهئ
دا كلام يا دكتور ما تشوفلهم علاج يمكن ربنا يفكها عليها ويكون الشفا على ايد حضرتك
نســرين
وعليكم الســلام ورحمة الله وبركاته
بس يا جلسرين عيب كده
:D
اسكتى ولا اتصل بيهم فى البيت وانتى هتعرفى كويس الزمالك وتسمعى عليه سمع خير
منمن
عارفه الملحق ليه علشان مفيش دروس خصوصية وانتى عارفه الايام دى بيحاربوهم ازاى
:D
ادعى للزمالك ربنا يكرمهم
ابن ناصر
هو كمان حضرتك زملكاوي انا افتكرت خلاص مفيش حد بيشجعهم
ههههه
ياساتر بلاش تشجعهم ومعنويات هتترفع وتعرف تشوف كورة تانى
:D
انتى عارفه يا مانو ان حتى الجلسرين ليه فايده كبيره ومحدش يقدر يستغنى عنه فى الشتاء الدرو والباقى على اللى منعرفش اسمه ايه ده
اه الزمالك
وبعدين اللى فى البيت اساسا ميقدروش يرفعوا راسهم قدامنا دلوقتى
الاهلاويه اساسا ميعرفوش يخافوا
ههههههههههههههههه
لا خلاص خلاص متزعليش مانو خير ان شاء الله بعد 10او 20 سنه كده
انا و الله مش صعبان علية غير الجماهير الغلبانة اللي راحت تشجع الفريق في الجو الفظيع اللي كان يوم الماتش ده.. بس رأيي انهم كلهم يعملوا زيك كده و يفضوها سيرة :)
أضم صوتي لصوت الدكتور خالد
جنين والفلوجة
وعندنا في طنطا يوم الزمالك ما جه عندنا قطر ولع طبعا مافيش علاقة بس يمكن بذنوبنا
"الزمالك"
هههههههههههههههه
زامالكاويه
هههههههههههههه
زامالكاويه
ههههههههههههه
ليه يابنتي بتعملي في نفسك كدا بس
بس تصدقي انتوا مثال للشعب المصري الاصيل اللي مبيتنازلش ولا بيبيع انتماؤه
بس دا انتماء يجيب الضغط
هههههههههه
زمالك ولا اهلي صدقيني الكل عندهم هو الي ربحان لاعب مدرب حتي الاحتياطي والمحروق دمة المشجع الغلبان
انا مش بشجع حد من فترة واخر مرة فاكرها رحت الاستاد وكانت اللحظة زي بتاعتك دي بالظبط بس انا كانت تختلف
انا انسحبت علشان الالفاظ والسوقية والهمجية في التشجيع وكمية الخنقات الي شوفتها
بعد ما استمتعت باحلي مبارة شوفتها بين الجزائر ومصر الي كنا بعدها هنروح كاس العالم كانت حلوة في الاستاد بعد كدة حرمت من مبارة الاهلي والزمالك في الاستاد برضو شجعي المنتخب وخلاص نصيحتي
تحياتي
السلام عليكم
ازيك يا مانو يا حبيبى انا زعلانه منك كده ولا حتى تليفون تقولى فيه مبروك للاهلى او لينا يعنى فين الروح الرياضيه
ههههههههههه
على العموم اكيد بعد كده خلاص مفيش كلام الاهلى هو الفن واللعب والهندسه ولا ايه
بص يا مانو همم خمس حاجات
الاولى شادى
التانيه ابو تريكه الفنان
التالته الله اكبر علينا
الرابعه من شر حاسدا اذا حسد
الخامسه ربنا يزيدنا ويعطيكم
تانى يا جلسرين منا عارفه انك من المنتجات الطبية هههههههههههه
ومش هارد عليكى لان اكيد هيجى اليوم اللى ارد فيه عليكى
عـلا
شوفتى يا اختى بيعملوا ايه فينا
لينا رب كريم
عصفور المدينة
اهئ اهئ كل ده عمله الزمالك ياما هنشوف منه
بس اهو هندعى ليهم يمكن ربنايفكها عليهم
يااااارب يكسبوا المباراة الجاية يااااااااارب
يسـارى مصرى
هنعمل ايه بس لو اعرف ابتره كنت بترته
اهئ اهئ اهئ
ايه شكلك اهلاوى
ولا ايه ممممممممم
كراكيب عادل
والله هما بيحرقوا دمنا بعقل
هنقول ايه بس
بس كوس حضرتك عرفت تختار كويس
المنتخب
ههههه
اللى بقاله سنين ما دخلش كاس العالم ولسه التلفيزيون بيغنوا على هدف مجدى عبد الغنى فى كاس العالم تقريبا سنة 92وكان هدف تعادل والله باقعد اضحك على حالنا كتير
ربنا يصلح حال المجتمع اكمله يااااااارب
تانى يا جلسرين
تليفون ايه يختى
بصى احنا روحنا الرياضية عالية اوووووى
الف مبروك
واكيد
الايام دول
يعنى هيجى اليوم اللى هاقولك كده يا جلسرين
قال حاقدين ايه يابنتى احنا كويسين ولا بيهمناحاجة
هههههه
ســـــــلام يا نونو
i used to be zamlkawya too , but i got depressed from their repeated defeat . now i left football for good
la ahly wala zamlek :(
اهلا بيكى يا دكتورة
منورة والله
والله برافو عليكى انا هأعمل زيك
تحياتى ليك
الحمد لله أني أنا أسماعلاوي
بس توبت :)
خير ماعملتي يا أماني
ممكن تشجعي تنس الطاولة
:)
باشمهندس بينو
والله كويس اهو يا جدعان ولاد عمنا عندنا ودايما بيوقفوا معانا مش زى الناس التانية اللى هما عارفين نفسهم
:D
حتى الاسماعلاوية سابوا فريقهم حتى دول يا باشمهندس ليهم حاجات حلوة اووى وساعات بيعملوا اللى عليهم وزيادة
اصل خايفة يكون النحس منى والتنس الطاولة يجيها نكسة برضو
:D
تعرفي ..
بيقولو الانتماء مش بيظهر الا وقت المحن
عشان كده ..
عمري ما هنسي الزمالك .. وهفضل جمبه بعقلي وقلبي وكل ما فيا
:)
مينا
زملكاوى اصيل والله
:D
وانتي كمان اكيد اصيله .. لأنك مستحمله مصر بلدنا بكل ما فيها .. بكل بلاويها ولسه بتحبيها
:)
عندك حق بس هنعمل ايه قدر ان ده نكون مشجعين لفريق ليس له روح
مينا
مصر هى امى
:D
frEE !Sl@m oOo
هنعمل ايه بس خلاص انا قررت مش هاشجعهم تانى علشان حرقة الدم
:D
غريبه .. مع انها مش احسن ام في الدنيا
مينا
حتى لو هى مش احسن ام اكيد برضو هاحبها لاخر نفس
وعلى ما اعتقد العيب مش فى امانا الحبيبة العيب فى الابناء
:D
انا بردو زييك مؤمن ان العيب مش من مصر ..و بحبها مع انها مش احلي ام في الدنيا
زي ما بحب الزمالك مع انه مش احلي نادي في العالم
تحياتي :)
حب واحد بس علشان تقدر تعيش ولسه بدرى عليك يابنى بدلا ما يجليك سكر وضغط هههههه
للاسف مينفعش .. لأني بردو بحب امي ( اللي ولدتني) مع انها مش احلي ام في الدنيا
مينا
براحتك خاااااااااالص هههههههه
حب الاتنين
هههههههههه
يا رتني ما كنت جيت هنا ولا قريت اللي انتي كاتباه ده
كده تشمتي كل الناس فينا
طيب انتي زهقتي كان بينك وبين نفسك
ما كانش لازم تفرحيهم كده
وبعدين انتي شكلك صغيره لسه ما شوفتيش حاجه
امال المكافحين اللي زيي يقولو ايه
لازم تراجعي نفسك وتكتبي بوست تعلني توبتك وعودتك للزمالك
عشان خاطري
مش مهم بيتغلب ، المهم الانتماء
انا عراف ان انا بتكلم بجد قوي ، بس والله زعلت موووت
هوا لسه في زملكاوية على وجه الارض ؟؟
يا نهار ازرق
هوا لسه في حد بيشجع الزمالك ؟؟
سبحان الله
بس كويس انك اعلنتي توبتك عن التزملك
وذهبتي بملأ ارادتك الى نادي الشعب
النادي الاهلي
فؤاده
ليه بس دا كله ومين ده اللى صغيرة هههههه اصل حضرتك ما تعرفش ههههههههه
كنت ممكن سكت على هزائم الزمالك لو مكانش حد بيشوف بس ده الفضيحة كبرت اوووووى
ومينفعش يستخبى
بس هنقول ايه
ربنا يكرمهم ياااااارب والماتش الجاى يكون احسن ماتش فى الدورى كله
واحد من الناس
لالالالالالا مش هاروح الاهلى مينفعش اروح نادى تانى غير الزمالك
ما الاهلى كمان طلع كل بطولاته مزيفة
هههههههههههههه
بعد تقطيع برشلونه لها
ههههههههههههه
لأا حول ولا قوة الا بالله
هو انت يا بنتي لامواخذة زمالكواية؟
معلهش
اكتر من كدا ويزيح ربنا
مع خالص مواساتي
:)
لا حول ولا قوة الا بالله
شوفت حضرتك اهو اخر اللى يمشى ورا الزمالك
ههههههه
تحياتى لحضرتك
بصي ياست الكل في علي المدونه بتاعتي اللي هيخليكي تصري علي القرار ده
يا شيخه سيبك بلازمالك بلا وجع دماغ
اقولك
اقولي ورايا سبع مرات بيب بيب اهلي وانت تبقي اهلويه حاولي كدة وانتي هتبقي زي الفل
احمد عبد الحى
لالالالالا زمالك زمالك على الرغم انهم جابولى العصبى خلاص بس هنعمل ايه
ينفع نغير مصر ونبقى حاجة تانية
صـــح ولا غلط
Post a Comment