انا متغاظة ودمى محروق ومستغربة اوووى من موقف الناس اللى زعلانين اوووى من دعاء المشــايخ على الصهانية والامريكان لا والله ايه التعاطف ده والقلوب الرقيقة دى مش معقولة مش متخليه يا عينى حرام ندعى عليهم صحيح اصلهم ملايكة واحنا وحشين بس ماكنتش متخلية اننا وحشين للدرجادى
اقولكم بقى احنا وحشين ليه اللى ما شوفت واحد منكم اتكلم عن فلسطين وحياتهم والعراق والمذابح اللى فيها اللى ما شوفت حد فيكم فضل مقاطعهم علشان ناخد بحقنا منهم
الى المتعاطفين مع الصهانية والامريكان لى أسئلة
هــل تعلموا ماذا يدرسو لأبنائهم قبل ان تتكلموا ؟
هـل تعلموا كم مذبحة ارتكبت فى حقنا وحق اخواننا فى فلسطين والعراق وكل الدول المحتلة ؟
هل تعلموا كــم اســير فى ســجون اسرئيل والامريكان ؟
هــل تعلموا كم لاجئ بسبب الصهانية والامريكان ؟
هــل تعلموا كم مبـعد عن اهله بسبب احكام الصهانية ؟
هــل تعلموا كم ارملة بسبب الصهانية والامريكان ؟
هل تعلمــوا كم يتيم بسبب الصهانية والامريكان ؟
هــل تعلموا كم مسجد وكنيسة حرقت على ايدى الصهانية والامريكان ؟
هل تعلموا كم منزل هدم على ايدى الصهانية والامريكان ؟
هــل تعلموا كيف يمر عليهم الشتاء والصيف دون كهرباء ومياه ؟
هل تعلموا كيف يمر عليهم الاعياد والمناسبات ؟
قائمة الاسئلة طويلة ولن تنتهى والارقام والاحصائيات لن توضح حجم المرارة التى هما فيها
كــنت اسمع فى الماضى الجــزائر بلد الميلون شهيد فلسطين والعراق بلد الكم مليون شــهيد؟
لســــه متعاطفين ؟؟؟؟؟؟؟؟؟؟
43 comments:
في قائمة اسئلة تانية
الى متى هذا الخاذل ؟
الى متى هذا الهوان ؟
الى متى هذا الضعف وتذيل الامم؟
الى متى ؟ الى متى ؟
وبجد بوست مهم وبارك الله فيكي
فيه سؤال كمان لهؤلاء
هل تصلون؟
من خان حي على الصلاة
يخون حي على الكفاح
لا وفجأة افتكروا سنة النبي فتمسكوا إن النبي ما دعاش على قريش لما جاءه جبريل ومعه ملك الجبال وقال لو أمرتني أن اطبق عليهم الأخشبين فقال النبي لعل الله أن يخرج من أصلابهم من يوحد الله
ودا مش دعاء دا أمر كان حيصدره النبي صلى الله عليه وسلم بإهلاكهم فرحمة منه صلى الله عليه وسلم مارضاش يصدر الأمر في هذا التوقيت
أما الدعاء فموضوع آخر
فقد دعا صلى الله عليه وسلم على مضر وعلى أحياء من العرب خانت عهودها مع المسلمين
وقال نوح عليه السلام ..
رب لا تذر على الأرض من الكافرين ديارا
وربنا استجاب
معاكى حق حاجه تغيظ
بيطالبوا نتعامل مع اللى بيدبحنا ويقتلنا بالحسنى
اذا كان ربنا قال النفس بالنفس والعين وبالعين والانف بالانف والسن بالسن والجروح قصاص
هما يقتلوا اطفالا ويتموهوم وهما حرام علينا ندعى على اولادهم
اصلهم ياحراك ذنبهم ايه زنبهم انهم لما هايكبروا هايكونوا ذى اهلهم هو مش بوش الابن
نفس بوش الاب هل فيه فرق فى المعامله بينهم
عارفه كل اللى بيتكلم كدة ويقولوا نعاملهم بالحسنى كلهم اخطأء وبيبرروا لانفسهم علشان الناس تتغاضى عن افعالهم زى اللى بتصاحب واحدة مثليه وتقول عادى هى مش مسلمه
ولازم نكون متحضرين
هو انت احسن من شرع ربنا لما نادى بالبغض فى الله
فين عقيدة الولاء والبراء اللى ضايعه عندنا تماما
وحسبى الله ونعم الوكيل
كيف أجد أخي مقتولا وأختي مهدرة الكرامة وأبي يعيش الكفاف وأمي تعيش خائفة
و أنا لا أملك إلا الدعاء
ثم أحجبه عنهم
بأي منطق
كنت حاسس ان الكلمات هتنطق لما فيها من حماسة وروح
ومعاكي طبعا في رايك يا اماني
بس واحنا بندعي ندعي علي الجيش الامريكي....في امريكان مسلمين....احيانا بيكون الناس قصدها كده وهو عدم التعميم ف الدعاء
اللهم اهلك الصهاينة جميعا وجيش امريكا وكل من يعادي المسلمين
السلام عليكم
اقول فى الاول ان انتى الظاهر ناسية ان احنا فى اول بلد عربى ديمقراطى
مصر المحروسة
وعلى راى واحد مصر الماروصة
ام هند
قصدى المهم
ماهى حاجة تغييظ فعلا وتخلى الدم يتحرق
كتيير من الشيوخ اللى كانوا بيدعو لفلسطين والعراق ويدعوا على الصهاينة اتنقلو طبعا من المسجد اللى شغالين فية واللى هو طبعا جنب بيتهم الى بلاد اخرى بل محافظات اخرى
لكى يتعلموا الدرس
واقول لكى اختى الكريمة ان دى تعليمات من الامن طبعا
واللى يخالف
اكيد هو عارف هيتعمل فية ايه
يلا
ربنا يطلعنا منها على خير
واحنا كفاية كل واحد فينا يدعى لهم واكيد فى سرة
مين عارف ما اصل اليومين دول الحيتان قصدى الحيطان ليها ودان
عذرا على الاطالة
وفقكم الله وجعلى فى ميزان حسناتكم
ايه الحما س ده كله
بارك الله لك
والله حاسس بالقهر مثلك تماماً
ربنا يهدي عصاة المسلمين
ويهدينا أجمعين
السلام عليكم
ازيك يامنموننتى ياحبيبتى
هو الدعاء عليهم ده عادى
بس اللى مش مقبول اننا ندعى على واحد زى محمد اللى اتنصر مثلا
يعنى الدعرء عليه اظن مش هيفيدنا بس الدعاء ليه اهم
بس الدعاء على الامريكان والصهاينة
ماهو من ظلمهم وافتراهم
تحياى يامنمونتى ياجميلة
الأعتراض فقط على شيئين
الأول ان يكون هو السبيل الوحيد وهو ليس كذلك
والثانى ان نشعر بعده بالراحه وكاننا ادينا ما علينا وهو ليس كذلك
السلام عليكم
مانو حبيبى
زى ما قولتلك ان من انا وصغيره وكان الشيخ بيدعى عليهم فى الجامع مكنتش بدعى كنت بقول ربنا يهديهم كان احساسى لما نكسب كل دول كمسلمين افضل بس لغايه فتره قريبه يمكن من سنه دعيت عليهم بس انا عند وجهه نظرى لو كسبنا كل دول مسلمين افضل
ويمكن زى ما انتى قولتى عشان انا مش بشوف اللى بيعملوه بس بصراحه مش بقدر
السلام عليكم
لاول مره هقولها
انا محايد
لا معاكي ولا ضدك
يعني لو السبيل الوحيد هو الدعاء
ندعي
لو فيه طرق تانيه
نقوم بيها برضه امين
يعني المقاطعه منتشرتش علشان اللي بيدسوا السموم ويقولوا انتوا فاكرين امريكا ولا اسرائيل محتاجه فلوسكم
اه يا سيدي محتاجه ومحتاجه قوي كمان
انهم متسولون باموالهم
وعموما الدعاء علي قدر الفعل
تحياتي
اه صحيح
نسيت
هو مين اللي انتي بتتكلمي عنهم ؟
يا أماني القرار جة من وزير الاوقاف
ممنوع الدعء علي ايهود من فوق المنابر في صلاة الجمعة
ايه الشغل الجامد ده
اغيب شويه اجى القاكى عامله كده
شكلك كده عايزه تروحى المريخ
امن دوله
عايزه تصيفى عندهم ولا ايه
معاكى حق
بس نعمل ايه
دا تقصير مننا نحن اولا قبل غيرنا
علينا ان نفهم الناس ونقوم بتوعيتهم بالقضيه ونشرها على الناس ولا نقف مكتوفى لايدى هكذا
بيــدو
حينما يكرهوا البيبسى والكولا والاريال اللى بينظف وبينظف معه العقول
===================================
أســـتاذنا
وكمان اضيف على سؤالك يا أســتاذنا بيصلوا على قبلة مين ؟؟؟
===================================
باشمهندس مـاعليـنا
اصل الدين يسر مش عسر
وبيحبوا يفصلوا الدين على مزاجهم والحاجة يعنى اللى تجى على مقاسهم يبقى هو ده اللى ينفعهم
حســبنا الله نعم الوكــيل
==================================
Anonymous
اصلهم هيقولوا لك احنا مش بندعى لالالا احنا بنقول حســبنا الله ونعم الوكــيل طب انتم مش عارفين معنى حســبنا الله ونعم الوكــيل
تحياتى لمرورك
==================================
دكتور ســكتم بكتم
الظاهر انهم مش بيشوفوا ولا حتى بيشموا لانهم لو بيشوفوا عمرهم ما يقولوا كده الا اذا هما بقى معدومين الدم
شوفت حتى الدعاء مش عايزينا ندعى به ويقولوا لنا ندعى بايه ولا ايه
حســـبنا الله ونعم الوكــيل
==================================
دكتور مصراوي أوي
هو الدعاء مان هنقى فيه ونقول عليك بالجيش وبلاش الشعب ما ربنا عالم بنية اللى بيدعوا
انا بقى دعائى
اللهم اهلك الصهانية والامريكان وكل من يسـاعدهم
اللهم امين
==================================
قلب أبيــض
للاسف الشديد مش الحكومة والامن بس لالالا الكارثة فى ناس عاديين هما اللى بيقولوا كده
طب احنا عارفين الحكومات بينهم مصالح طب احنا مصالحتنا ايه
ولا طولت ولا حاجة
==================================
باشمهندس بينو
شـئ فظيع حتى الدعاء هيقولوا لنا ندعى بايه وما ندعيش بايه سبحان الله
اللهم امين على دعائك
==================================
قطــتى
بصى اى حد لما بيحس بالظلم او القهر او يحس انه خلاص الدنيا ضاقت بيه اكيد هيدعى ومحمد ده اكيد برضو ضايق الكل بأفعاله وبرضو رنبا يهديه
===================================
أســتاذ محمد
حــمدلله على سلامة حضرتك
ما دى فعلآ المشكلة اننا بقينا عاجزين عن فعل اى شئ والواجب اللى علينا الدعاء والكارثة الاكبر لو صلوا لوحدهم اصلا مش هيفتكروا الدعاء
=================================
نســر حبيبتى
لازم تشوفى علشان تعرفى هما بيعملوا ايه فينا ولا هما بيدرسو ايه لاطفالهم بيعملوهم الحقد والغل وازاى يدبح مسلم واحنا بنعلم اولادنا السلام والخنوع والذل
===================================
اســتاذ مهند
اول مرة محايد على الرغم حضرتك علطول ضــد طبــعآ علشان اهلاوى
:D
انا برضو مع حضـرتك اكيد المقاطعة لها دور والكل اكيد لاحظها بس للاسف احنا شعب بنموت فى اى موجة وكل حاجة عندنا يومين واقلب يعنى على راى المثل
الحى ابقى من الميت
انا بتكلم على مــين ؟؟؟
اكيــد حضــرتك عارف وحضرتك كان لك نصيب الاسد كمان وبسم الله مشــاء الله نفسك طويل
اكيـــد حضرتك عرفت مين دلوقتى
===================================
احمــد العربى
تصدق حضرتك اول مرة اسمع انه كمان اتمنع من الاوقاف
احنا برضو هندعى حتى لو بقلوبنا
وعايزة اقول لحضرتك الكارثة بقى فى مدونين برضو مش عاجبهم دعاء المشايخ
يعنى حتى الناس اللى عايشين وسطنا اللى مفيش مصلحة برضو عايزين يمنعوا الدعاء
===================================
ابو زياد الفاتح
لالالا انا عايزة اصيف فى مكان يكون فيه هوا مش الاماكن دى
لا تقصير منهم علشان لو واحد فيهم غير القناه وجاب النشرة هيعرف لو واحد منهم طفا الاغانى وشغل الراديو هيعرف لو فتح اى صفحة اخبار برضو هيعرف
توعية ايه بس من قبل حرب 48 وفى مذابح ضــد اخوانا اللى ما فى شارع فى مصر او بلد والا اذا فيها شهيد على يد الصهانية
فما بالك بفلسطين
والله حالنا صعبان علينا بجد
كفاية علينا تصويتات ستار اكاديمي
و شريط عمرو نازل امتى
كفايانا بجد
تقبلي مروري
سلام مؤقت
عارفه يا امانى فى حاجه فى علم النفس كده اسمها التوحد بالمعتدى
ودى يا ستى مرض كده بيصاب بيه العبيد او المساجين
من كتر ما الجلاد بيجلدهم يروحوا متوحدين معاه
ويبقوا معجبين بيه جدا ومتعاطفين معاه كمان
وده يمكن يفسرلك التعاطف اللى موجود
لكى تحياتى
ياااااااااااااااااه يا اماني
مش كنت معتقدة انك ضدي اوي كدة وكمان بتتريقي عليا
طب كان يبقي عندك الشجاعه انك تيجي تقولي الكلام دة عندي
تناقشيني فيه
بدل ما تكوني متغاظة ودمك محروق يا اماني
علي الاقل تعرفي وجهه نظري
انا بقي هكلمك باسلوب غير اللي انت اتكلمتي بيه
لان واضح اوي انك مش فهمتي كلامي
يا سيتي انا مش زعلانة علي الدعاء علي الصهاينة
انا ضد التعميم
مش اقول كل اليهود ولا كل الامريكان
عايزة تدعي ادعي علي من ظلم
علي من افترا
الفلسطينين والعراقين وغيرهم من المسلمين اللي بيمتوا في كل يوم
انا لما بشوفهم بدعي عيهم
بدعي علي من قتل وسفك الدماء وهتك العرض
انما مش بقول يارب اخسف باليهود الارض
بقول حسبي الله ونعم الوكيل
ربنا ينتقم من اللي عمب كدة
واللهم اهدي باقي اليهود
وواضح انك اخدتي القشور من كلامي
لاني مش متعاطفة
اني مسلمة وغيورة علي اسلامي كمان
بس لو انتي مش متعاطفة
اتفضلي اطلعي علي الحدود وفي ايدك سلاح وحاربي
لكن الدعا بالتعميم دة انا بسميه ضعف
ويبقي انا كدة عملت اللي عليا
للاسف ي اماني لو كان كلامك بالهداوة شوية جايز اكون احترمت كلامك ورديت وانا مش مجروحة منك
بس بجد انا بكلمك وانا مجروحة لني بعتبر بوستك تريقة علي كلامي
ودة شئ لا اقبله
وبالنسبة لعصفور المدينة
اللي موجهلي سؤال
الحمد لله بصلي
والحمد لله مش بخوت حي علي الصلاه
ووقتها يا استاذ عصفور لما يكون في كفاح
ابقي اروح اكافح
ولا الاسلام بيقول ان الدعا علي الغير بالهلاك يبقي دة اسمه الكفاح
والاخ ما علينا
لا يا استاذ ما علينا
مش فجأة افتكرت سنه النبي وبقول اي كلام
الحمد لله طول عمري فاكراها
واتفضل ابقي ورينا همتك في الدعاء
وعايزاك تملي البلوج بتاعك دعاوي علي غيرك
اصل ما شاء الله سيادتك مرجع في السن والقران
طالما بتتهم غيرك بما ليس لك به علم
واضح تدين حضرتك اوي علي فكرة
والاخ بينو
اذا اعتربت كلامي وراي اني كدة عاصية
فشكرا اوي انك دعيتلي بالهداية علي اسا اني من عصاه المسلمين
؟؟؟؟
مهند
انا يا مهند اللي اماني بتتكلم عنهم
اللي مش كان عاجبها كلامي ومش فكرت انها تيجي تناقشني
وتقولي رايها واكتفت انها تعمل بوست وكان من باب ولي نها تقول انها متغاظة ومحروق دمها من سمراء النيل
وردك علي الباشمهندس ما علينا يا اماني
اني بفصل الدين علي مزاجي دة مش صح
انا مش جيت افتيت ولا الفت في ايات قرانية ولا جبت احاديث من عندي
ولا انتي مش بتقري كويس
وتصدقي بقي اني عارفة يعني ايه حسبي الله ونعم الوكيل
بالمناسبة يا اماني
انتي دعيتي علي الصهاينة والامريكان وكل من يساعدهم
مش هقولك غير ان ليك قرايب بيشتغلوا بطريقة او باخري مع الامريكان
في اللي فاتح محل بقاله وبيبيع البيبسي والاريال وغيرها من المنتجات وطبعا هو بيساعد علي نشرها يبقي هو كمان بيساعدها
لما واحد بيشتغل في موبينيل او فودافون
يبقي هو كدة بيساعد الامريكان واليهود كمان
والله فعلا اعلم بنيه اللي بيدعي
وقصده ايه
بس مش موضوع ننقي في الدعاء
انما اقري كلامي كويس تاني ودققي فيه بعيد عن الغيظ وحرقة دمك
اه ياريت بقي لما تقري كلامي تاني مش تنسي تتريقي عليا تاني في بوست جديد
والكارثة اني من الناس العاديين
انا لما اقول رايي
بقت كارثة
شكرا اوي يا اماني
اماني لااسف انتي غيرتك اعميتك عن الحقيقة
لان ردك علي احمد العربي
ان المدونين اللي رافضين الدعاء دة مش صح
وطبعا انا المقصودة بدة
شكرا ليكي مرة تانية
وسوس
للاسف ياweswes
انا مش عندي التوحد بالمعتدي دة
وللاسف نظيتك في علم النفس غلط
شكرا جدا يا اماني
بس اللي انتي قلتيه وعمليته دة مش شجاعه ابدا
ولا انتي ناوية كمان تغلطي فيا
وتعملي بوست بتتريقي تاني
صدقت و الله اختنا
تلك النغمه ظهرت عندنا ايضا و عانينا منها كثيرا
يبدوا ان الاعلام استطاع ان يلعب دوره الخبيث بعد ان امتلئت الدنيامن شرقها الى غربها بمقاطعه الامريكان و اليهود و الدعاء عليهم
يجب العودة مره اخرى الى المقاطعه و لكن يجب استعاده روح البغض و الكراهيه ضد الامريكان و اليهودج لدى المواطنين
تحياتى
ابو مفراح
ياحيينى مين دول يابنتى ماتيجى نتبرعلهم كمان يلا يلا ماهى بقيت سبيل بلا وكسه
S H A H
استار اكاديمى تصويت كتير ام بقى يصوتوا على عريضة الامم المتحدة علشان الاسرى لالالا
ربنا يرحمنا من عنده
===================================
وســـام
ربنا يهديهم ويرحمنا من عنده ياااااارب آمـــــين
سمراء النيــل
أولآ
بأعتـــذر لكــل شــخص أتوجه له كــلمة من سمراء النيل لان ده مــوضــوعى واى كلام او تعليق يكون موجه ليا أنا
وبأعتذر مرة تانية
ومن حقكم الرد طــبعآ
تريقة ايه بس هو انتى اخدتى الكلام عليكى ليه ونفرض انا اتكلمت بـناءآ على موضوعك يبقى معنديش الشجاعة مين اللى قالك على فكرة انا ماليش فى الجدل من اجل الجدل والمناهدة على الفاضى وعلى ما اعتقد من حقــى ارد فى المكان اللى يعجبنى عندك عندى اى مــكان المهم انى افضفض
وليه انتى بتقولى تريقة مانتى اتريقتى على المشـــايخ وفتحتى الباب للتريقة عليهم يـبقى الكــل ليه الحــق يرد بطريقته
والمشايخ ليهم حــق حق عندك وعندنا كــلنا لاننا بنسمح للناس تغلط فيهم وده طــبعآ غلط كبير على الرغم ان المشــايخ دول احنا مقصرين فى حقهم كــير اوووى مش وقته انى اتكلم عليه بس على فكرة برضو ان شاء الله ربنا يقدرنى واعمل بوست خاص ليهم
نفرض بقى انى ضدك وايه المشــكلة مش انتى قولتى رايك وجهة نظرك يبقى من حقى كمان انا اقول وجهة نظرى
بصى بقى طالما انتى فتحتى الموضوع اننا بنعمم الدعاء ايوا هنعمم لانهم مش ملايكة ولا حتى اطفالهم وياريت تشوفى اللينك ده يمكن تعيشى الموضوع بواقعية شوية
http://www.arabs2day.ws/files/lebanon.htm
وعلى فكرة انا مش هأنسى افعال اليهود مع ســيدنا يحــيى وزكريا وســيدنا محمد على افضل الصلاة والســلام مش دول برضو احفادهم ولا اصحاب مذابح دير ياسين وصبرا وشاتيلا مش دول برضو اولادهم ولا صبرا وشاتيلا ولا قانا ولا غزة والشيخ احمد ياسين ولا الرئيس ياسر عرفات ولا صلاح شحادة ولا ولا القائمة طويلة مش هتنتهى عايزين سنة نكتب عنهم
بصى بقى انا ضــد كل من يتعامل مع الصهانية والامريكان ده مــبدأ عندى مش بيساعدوا فى ضرب اخواننا اكيد برضو هيساعدوا فى ضربك بكره علشان لقمة العيش كفاية ذل ومهانة
على فكرة انا ليا حــق عندك لانك ردتى على كل اللى معلقين عندى وده من غير استذان وكمان ردك فى تهكم وده مش كويس لان تعليقاتهم جـاء بناءآ على موضوعى وطريقة عرضى للموضوع وهما اصلآ ميعرفوش انا بأتكلم على مين ولا حد فيهم وجه ليكى أساءة لشخصك ولا انا كمان وجهة ليكى اى أســاءة
زى ما برضو التعليقات اللى عندك اللى بـجد استفزنى وماكنش ينفع اعلق لانى كنت هأكون بأدن فى مالطة على فكرة ده التعليق التانى التعليق الاولانى الكهربة قطعت برضو رحمة من ربنا علشــان اهدى شوية
===================================
ابو مفراح
عايزين نرجع المقاطعة تانى ونكون قد المسئولية الهند مش احسن مننا ما عملوها قبل كده
===================================
هوندا
نتبرع لمــين ؟؟؟
لا طــبعآ عمرها ما هتبقى سبيل
السلام عليكم و رحمة الله و بركاته
ازيك يا استاذه اماني
حقيقي الموضوع ده كان لازم ينكتب علشان اقدر اتكلم معاكم براحتي و علي حريتي
الاول انا قريت طبعا الموضوع كله و كمان قريت التعليقات اللي انكتبت
ثانيا انا معاكي في اللي قلتيه قلباً و قالباً
و اعتقد اني عارضت الاخت سمراء النيل في الموضوع اللي في البلوج بتاعها
بس و بصراحه شديده انا شايف ان الموضوع كده تحول من نقاش و طرح اراء
و مقارعة الحجه بالحجه الي حاجه تانيه خالص
بجد انا حزين جدا
لو حضرتك قريتي البوست بتاعك كويس و كمان قريتي التعليقات كلها بتمعن و هدوء هاتلاقي ان الموضوع تحول من نقاش الي نوع من انواع السخريه و الاستهزاء بالآخرين
و انا هنا مش باقصد حضرتك
لا
اقري بس التعليقات كويس هاتلاقي ان كل الردود تحولت لنوع من انواع الاستهزاء
حقيقي انا حزين جدا لاننا وصلنا لهذه المرحله
طبعا انا مش محتاج اجيب لحضرتك امثله و لو انها كتير قوي
ياريت نرجع تاني للنقاش و نسيب موضوع السخريه و الاستهزاء ده علي جنب
اسف طبعا اني كتبت التعليق كده
بس اعتقد انه كان ضروري جدا علشان ما نوصلش لمرحله اقل من كده في الحوار
حتى اللي حب يرد و يدافع عن نفسه برضه استخدم نفس الاسلوب
اعتذر مره اخرى
تقبلي تقديري و احترامي
سـمراء النيل
انا توهت مع طول التعليق كنت عايزة اقولك حاجة
مين قالك انهم دخلوا عندك وقروا الموضوع
وليه ســوء الظن ده فيهم
واللى متاكده منه انهم أصلآ ميعرفوش موضوعك لانهم مش من زوار مدونتك
وعلى فكرة انا برضو زعلانة من نفسى لانى اكيد مأخدتش حــق الناس اللى انتى ردتى عليهم وانا ماردتش على كل رد فيهم
اســتاذ مراغى
على فكرة انا لما عملت الموضوع عملته علشان التعليقات مش علشان الموضوع نفسه لان استغربت مجموعة كبيرة اوووووى من الناس زعلانين
ممكن سؤال هو حضرتك تقصد مين اللى الحوار تحول اى سخرية واستهزاء
امممم
علشان بجد الموضوع كده انا مش فاهمه
عندى ولا عندها
لو عندى هما بيردوا على الاسئلة
وعايزة اقول لحضرتك حاجة انا بقى عنصرية ومتعصبة اوووى فى موضوع الصهانية لان حضرتك هتلاقى فى ناس بتنادى بالتطبيع بكافة اشكاله
كده بقى شئ مستفز
تحياتى لحضرتك
شارك معنا وانضم الينا في لجنة الدفاع عن سجناء الرأي وحقوق الإنسان
شارك معنا بارسال حدث وتفاصيله لكي نفضح الظالمين ونفضح مهازلهم
انضم إلينا في يالا نفضحهم
www.dahayaa.com
اختي الغالية اماني
بقالي كتير كنت متغيبة عن زيارتك و زيارة غيرك
لكني عدت لقيت صواريخ ارض جو قد أطلقت من جانبك انتي و رفقة و غيركم من المدونين اللي بعتز بمدوناتهم
حبيبتي
اهدي اليكي هذه الابيات القليلة من انشودتي المفضلة
حارت عقول النّاس بين مذاهبٍ
لا تهتدي بالنور من قرآني
تجري وراء الغرب في لهثِ وهل
سيحقّقُ الغربًًُُ الغريق كياني
تجري وفي العينين ألفُ تساؤلٍ
عزّ الجوابُ .. فذاك ما أبكاني
عبثت بنا أيدي اليهود وحفنةً
ممن يبيع الدين للشيطانِ
في كل يوم تُستباحُ مدينةٌ
أين الذين تهزّهم أحزاني ؟ّّ
!أين الذين تشدّقوا بعروبةٍ
وجنين تصفعُ وجهَ كل جبانِ
أين الحقوق وقد أُبيدتْ أمةٌ؟
!وأنا الملامُ إذا صرختُ: كفاني
سَل مدّعِي حفظ الحقوق لهرَّةٍ
هلْ هرةٌ أولى من الإنسان
كلُّ الحقوقِ مُصانةٌ في عُرْفِهِم
إلا حُقوقَكِ أمّةَ القرآن!
حينما نعود الي ديننا و اسلامنا وعزتنا سنستطيع الاجابة علي هذه الاسئلة بل و ستري اعيننا مالا نراه الان
اللهم عجِّل بذلك اليوم
احنا زمن عمل المظاهرات و سد الطرق من اجل تامر حسني و اشباهه
:( .
السلام عليكم و رحمة الله و بركاته
استاذه اماني
ان كنتي حضرتك متعصبه جدا في موضوع الصهاينه فانا متعصب اكتر منك بكتير جدا جدا جداااااااااااااا
وانا هنا مش باتكلم علي الموضوع
لا
انا باتكلم علي التعليقات
يعني ايه حضرتك واحد يرد و يقول يعني دلوقتي عرفوا سنة الرسول صلي الله عليه و سلم
انا ممكن اكون عارف سنة نبينا كويس بس فيه حاجه مثلا فاهمها غلط
مش عيب اظن و المفروض لو انا فاهم غلط توضحولي بالحسنه
لاننا هنا بنتناقش مع بعض مش في معركه
وانا لما اتكلمت كنت اقصد التعليقات اللي في موضوع حضرتك و كمان التعليقات اللي في موضوع اختنا سمراء النيل
طبعا مش كلها لكن بصراحه فيه نسبه كبيره جدا بتحمل سخريه و استهزاء
و هو ده اللي انا بارفضه يا استاذتنا
و ياريت كل اخونا المدونين يعرفوا كويس اننا هنا زي بعض
يعني مافيش فينا يهود علشان نجاهد ضده
يارب يكون كلامي واضح
وانا اسف جدا اني طولت
السلام عليكم
أحم أحم
مداخله بسيطه بس
الموضوع ابسط من كده بكتير
لو دعيتي يا سمراء او يا اماني علي واحد مظلمكيش
يعني مظلوم
هل ربنا هيوقع عليه العذاب لمجرد انك دعيتي؟
هو احنا انبياء مثلا ؟
ولا مفتوح باب السماء
احنا ما علينا الا الدعاء
والدعاء لو مقبول وربنا شايف ان فيه حق هيقوم بتنفيذه باذنه سواء في القريب او البعيد او يرد ليوم القيامه
يعني فكرة اصلا ان عسي ان يكون منهم الصالح
لو ربنا شايف ان فيه حد فيهم فيه بذرة ايمان اكيد مش هيوقع عليه عذاب ولا اذي
يبقي الليله ابسط من كل التعقيد والخناق ده كله
ولا ايه ؟
وانا مش معاكي يا اماني في حته عدم الاستفاده من المناقشه
يعني هل مناقشتي مع سمراء مطلعتش منها بحاجه
لا طبعا طلعت بحجات كتير قوي
مش لازم اني افوز في نقاش او انهزم
ممكن النقاش ينتهي بدون رأي نهائي بس برضه في استفاده
علي الاقل اللي هيعلقوا هيشوفوا تعليقاتنا احنا الاتنين وبناء عليها هيقدروا يشوفوا مين الصح ومين الغلط
اذا كان فيه صح وغلط والموضوع مش نسبي
معلش كانت مداخله طويله شوية
تحياتي ليكي
حبيبتي
ندعي عليهم
اللهم العنهم كما فعل النبي
اللهم عليك بهم كما قال ايضا
واللهم اهزهم واجعل كيدهم في نحرهم واجعل تدبيرهم تدميرهم
هكذا انا نعهم
لكن
يقول اللهم يتم اولادهم ورمل نساؤهم
لالالا
انا لما بيقول كده ما بامنش عليه
مش تعاطف لكن مش حاسه ان دي من اخلاق الاسم
واسفه للمرة التانيه ان رايي مخالف لرايك
بس
جزاكي الله خيرا
هانى جابر
أكـــيد لو اعرف حدث هأبعتها وها اتباع معاكم بأذن الله
==================================
Future_Preacher
حمدلله على ســـلامتك يا غالية
وعودآ محمودآ جــزاكى الله خيــرآى على هذه الابيات
===================================
Ahmed Essawy
ربنا يرحمنا من عنــده يااااااااارب آمــــــــــين
ويرجع شباب الامة الى طريق الحق ياااااااااااااارب آمــــــــــــين
===================================
أســتاذ مراغى
انا فاهمة حضرتك كويس وطبـعآ محترمة كلامك بس هما بيتكلموا بنـاءآ على كلامى وعلى طريقة عرضى للموضوع على فكرة هما مش هيقصروا لو حــد طلب منهم العون فى اى شــئ فى الســنة فى الفقه واى شئ بيعرفوا فيه
على فكره حضرتك ما طولتش ولا حاجة البيت بيتك
يـا اســتاذ مراغى
:D
===================================
اســـتاذ مهند
:D
اكيد طــبعآ مع حضرتك فى كـلامك
بس بقى فى حتة المناقشة دى انا ماعنديــش القدرة على الجدل مــعرفش ده طبع فيـا يمكن علشان نفسى قصير وده اللى يخلينى
ماقدرش ادخل فى جدل ولا الوقت للمتابعة
وعلى فكرة معنديش نظرية اللى يكسب
وطبعآ حضرتك عارف مش بتفرق معانآ حاليآ لاننا كل يوم فى هزائم
:D
karamella
ازيك
بصى انا طـبعآ ضـد كل ما يخالف الاسـلام واخلاق الاسلام
ولكن لا نتعاطف معاهم ونقول بلاش ندعى عليهم
والكلام ده
وايه حكاية مخالف لرايئ دى والاسف
اممممممممم
دى واجهات نظر
عندك حق
الأخت الفاضلة : أمانى
السلام عليكم ورحمة الله وبركاته
هؤلاء مغيبون وعلى اعينهم غشاوة وعلى قلوبهم اقفالها
سقطوا فريسة لبريق الغرب الزائف فارتموا فى أحضانه يتجرعون سمومهم وهم لايشعرون
بارك الله فيك وأعزك
أخوك
محمد
اخت امانى
بعد اذنك هاعلق مرة كمان
يا جماعة ليه الشد العصبي ده مش معنى انكم مختلفين انكم تتكلموا بهذا التعصب والعصبية اللى مش هتحل الموضوع كل واحد هيتمسك برأية حتى لو غلط عشان ميبقاش منهزم لكن لو بيتناقش عشان يوصل للصح كنتوا اكيد هتتفقوا
والاساتذة اللى داخلين يعلقوا قبل ما ياخدوا جبهة من الاتنين يوفقوا وجهات النظر أولا
اشكرك اماني ومعلش دوشتك
عبدالرحمن
inksarat
تحياتى لحضرتك
وأهلآ بحضرتك
===================================
محمد الجرايحى
وعليكم السـلام ورحمة الله وبركاته
بار الله فيك واعزك يا اسـتاذ محمد
أهلآ بـحضــرتك
===================================
عبد الرحمـن
من غير معلش
البيتك بيتك
و اللة المستعان على ماتصفون
kafrawy
ونعمة بالله
أهلا بحضرتك
انا شايفة ان الفيصل فى الموضوع ده هو النية فى الدعاء
اكيد يعنى اللى بيدعوا دول مش يقصدوا كل الامريكان لكن يقصدوا القادة السياسيين اللى كانوا السبب فى كتير من الحروب فى بلادنا الاسلامية
اما الصهاينة فكلهم عايزين الحرق
ربنا ينتقم منهم ويجعل تدبيرهم تدميرهم
السلام عليكم بصراحه انا عندى اعتراض على موضوع الدعاء ده لانها تبقى مصيبه لو ما فضلشى غيره لينا وما بقى با اليد حيله غير اننا ندعى ومش شايف ايه الممتع فى اننا ندعى عليهم يا ترى هنحس براحه متهيالى لا وبا التاكيد لو دعينا لامه المسلمين ربنا يفرج عنهم ويحررهم من انفسهم ومن ظلم وضعف حكامهم يكون احسن وفى سؤال عندى يا ترى هنكون فرحانين اكتر لو صحينا الصبح لقينا اليهود والامريكان سايبين القدس بسبب دعائنا ولا هنكون فرحانين اكتر لو كان خروجهم با ايدينا احنا وطبعا بفضل ربنا قبل اى شىء بس لو كنا سبب متهيالى هتكون الفرحه اكبر واعظم من الدعاء
Post a Comment