Saturday, August 18, 2007

استبيان

استبيان من هوندا

ولازم الكل يقول لا على الرغم ان خلاص فاضل ايام معدودة وهنلاقى كل شئ وضح بس طـبعآ ربـــــنا كــريم
وبرضو مش هنغلب ومش هنسيب وقاعدين على قلبكم ياااااااااااا حــكومة احنا الاكتر
بس يااااااااااارب يفوقوا ويصحيوا الشعب ده
هو مدى أستخدامك للأنترنت ؟؟مستخدم اعتيادى - ايميل - شات - العابمستخدم احترافى - خدمات الوب 2 -

تحميل - العاب - برامج - بودكاستس - ميديا 2متخصص ( مصمم مواقع - مصمم جرافيك - مطور برامج - مطور مواقع - اعلامى - مبرمج - مستخدم لينكس )

ج :- مســتخدم اعتيادى - ايميل - شات واهم شئ الالعاب لما اكون فاضية

كيف ترى هذى الحملة وما مدى تأثيرها على المستخدمين والمختصين ؟؟1- هل تساهم بتقدمنا الحضارى والتكنولوجى ام ترجعنا للخلف؟2- هل تفرض حصارا معلوماتيا على المتخصصين والطلبة والشعب ؟3-هل ستؤثر سلبا على مركزنا الحضارى ( الأول:) ) فى صناعة البرمجيات وتكنلوجيا المعلومات ؟؟؟؟

ج : 1- 2

ما رأيك بقرار وزير الاتصالات الجديد ؟هل سيساهم بنشر خدمة الانترنت فى مصر ام هل سيؤدى الى تقلصها ؟؟

ج: طبعآ تقلصها
ما هى اسباب الوزير المعلنة والغير معلنة فى رأيك ؟؟؟؟

ج: الربح وخنق الجمهور اهم شئ

وانهم يخففوا عدد السكان بقدر المستطاع وقطع المحافظات عن بعض بعد كثرة الحوادث وغلو الاسعار فى المكالمات والمواصلات وهلم جر
من هم المستهدفون بهذا القرار ؟هل هم المدونون السياسيون فى لعبة القط والفأر بينهم وبين الحكومة ؟ ام محملى الافلام والبرامج ؟؟ام هل هم العاملين بصناعة التكنلوجيا من مطورين مصممين ومبرمجين ؟؟؟

ج: جمـيع فئات الشعب بأكمله وخصوصآ المعارضيين

هل تهدف الحكومة من هكذا قرار بتطبيق المبدأ العربى الشهير الا وهو فرض الوصاية على هذا الشعب القاصر ( من وجهة نظر الحكومة ؟)
ج نعم

كيف ستتراجع الحكومة عن قرارها ؟بالضغوط الشعبية والتفاعل الحيوى للمتضريين من الشباب والشعب؟بالضغوط الخارجية من منظمات الحريات العالمية ؟؟؟بالمساهمة بتطبيق العالم قرية صغيرة ونشر توابع هذا القرار للعالم اجمع بلغات عدة ؟؟؟بالمقاطعة الشعبية لوزارة الاتصالات وشركات الانترنت ؟ ومقاطعة التلفونات الأرضية ؟؟؟

ج من رايى مقاطعة كل شئ

كيف تصف هذا الحدث ؟؟

ليس غريب على هذه الحكومة ومتوقع لمزيد من الخنق وكسرة شوكة هذا الشعب المقهور

سرقة واستغلال سبوبة حكم القوى على الضعيف اذلال الشعب عقوبة جماعية للمستخدمين نيابة عن المدونين السياسيين ؟غير ذلك ؟؟؟

ج عقوبة للجميع

هل يستحق وزير الاتصالات الائتمان على أمن مصر المعلوماتى وصناعة التكنلوجيا بمصر؟؟؟

بالنسبة لهم ممتاز اما بقى بالنسبة لشعبنا مش مهم عندهم

بعد ان أثبت سوء نيته و مشروعة الذى يهدف الى تدمير البنية التحتية لصناعة المعلومات فى مصر؟؟
ماذا تتوقع من تفاعل هذى الحملة عالميا وعربيا ومحليا ؟؟؟؟

ج فى الحقيقة لا اتوقع اى شئ لاننا اتعودنا على كل شئ بيعدى

هل أثبتت وزارة الاتصالات والمعلومات فى مصر جهلها العملى والمعلوماتى و سوء تقديرها للظروف المحلية والدوليه ... واستغلالها للوضع المحلى ؟؟؟

ج طبيعى مش فارقة معاهم لانهم عايزينا نبقى منعزلين

ما هو الحل فى رأيك ؟؟الحملة وجمع التوقيعات ؟؟؟المقاطعة العامة لشركات الانترنت ؟؟؟؟المقاطعة العامة لشركة الأتصالات المصرية ؟؟ وتشمل التلفونات الأرضية بعد انا عانينا من سرقتها واستغلالهاوسوء أدارتها ومقاطعة خطة الخطوط الجديدة ؟؟؟؟؟؟

ج المقاطعة بكافة انواعها
هل ترى ان نجاح الحملة يتمثل فى1- اقالة الوزير الجاهل بمعايير صناعة التكنلوجيا ومواكبة التطور2- التراجع عن القرار فقط3-وضع نظامين تحت بند اختيارى
لن يجدى اى شئ يذكر

ماذا ترى فى المناورة الاخيرة للحكومة تحت ضغط المرحلة الأولى من الحملة ؟؟؟؟مناورة واضحة وكذب صريح؟؟مناورة للحجر على العقول والافكار و تقسيم الشعب اللى طبقات تحت بند الاختيارية ؟؟فاكرينا داقين عصافير وبنصدق الكذب بتاعهم ؟؟؟؟
ج انا مش عارفه ايه اللى هيحصل وربنا يستر
ياريت كل الناس تعمله وتقول فى مدونة قولوا لا للانترنت المحدود انك عملته
يارب يجيب نتيجة

13 comments:

عصفور المدينة said...

والله يا أستاذة أماني أنا وضحت جوانب الموضوع والتعامل معه عدة مرات بس باحس الناس عاملة زي المخبوطة على راسها

انا اضطريت احط الحوار وأرقام وأحكام شرعية ومناقشات فنية وموقف ممكن ناخذه

مش عارف أقول إيه
أكثر من كدة

عازف الناى said...

الحكومه اهم حاجه عندها الفلوس
مصلحه الشعب اردم
مستقبل الشعب فى عالم الكمبيوتر اردم
التقدم ومواكبه التطور اردم
اهم حاجه القرش
الحكومه لو تعرف ان البنى ادمين بيجيبوا فلوس هتعبينا فى بلاليص وتصدرنا للخارج
اللهم ارحمنا من سطوتهم

أمــانــى said...

أســتاذنا
على فكرة انا استفدت اوووووى من موضوعات حضرتك وكمان بيجهز فيه علشان انزله عندى علشان الناس تفهم وكمان كتبت لحضرتك ازاى اعمل اللى حضرتك عملته
علشان ابدا اظبط نفسى
تحــياتى لاستاذنا
===================================
عازف الناى
فعلا حضرتك هما ماشين معانا بساسية اردم على فكرة كنت بأعلق عند حضرتك رجعت لقيت حضرتك فى نفس الوقت كنت بتعلق
ان شاء الله احنا بقى نردهم قريبــآ

mohand said...

السلام عليكم


كيف حالك


انا بقول لا اهوه

الطائر الحزين said...

يا اخونا احنا وسيلة ضغط مهمة مش هيجرى لنا حاجة لو قاطعنا النت او قاطعنا التليفونات
محدش يشترك فى النظام الجديد خالص

تحياتى

أحمد العربي said...

والله يا أستاذة أماني أنا مش عارف أقول اية
بجد مش قارد أعبر بصراحة عن اللي جوايا
مش معقول بوست كامل علشانا
؟؟؟؟؟؟؟؟؟
بجد مش مصدق
فية كدة
اعزريني ما يعيشة مجتمعنا يجلعنا نشك حتي في صدقنا أمام انفسنا
ربما لن استطع ان ان اعبر صراحة لكن كل ما استطيع ان اقولة الف شكر
وهذا ليس غريبا علي التربية الصعيدة
وعلي العموم لظروف خاصة جدا جدا
اسم المدونة والعنوان اتغير
بس الحساب علي البلوجر ما اتغيرش

StRoNg MeDiCiNe said...

سلامو عليكو

تعرفو الحكومة عاوزة تلاقى اى مصدر تدخل منه فلوس بدل الفلوس اللى بتتسرق

وكمان عاوزيين يستغلو الناس اللى عامللين وصلات نت بينهم

بس انا شايف الموضوع ده حيفيد الناس اللى بيستخدمو النت قليل

............

ده كل حاجه غليت
مجاتش على النت

بس الواحد ممكن يعيش من غير نت

اجرب واقولكم

تحياتى

أمــانــى said...

استاذ مهند
الحمدلله شو اخبارك
:D
والله مشكور يا أخى انك بتقول لا
ههههههه
===================================
الطائر الحزين
ياااااااريت يسمعوا حضرتك اصلهم عندنا عاملين ودن من طين والتانى من عجين ربنا يرحمنا من عنده
===================================
استاذ احمد العربى
ليه بس حضرتك بتقول كده بالعكس فى ناس كتير كويسين ولازم نوسع النظرة شوية لان فعلا فى ناس كويسين وانا شوفت ده فى عالم التدوين يمكن فى الحياه العامة مع الزحمة اختفى شوية بس برضو موجود اللى بيسـال
وحمدلله على الســلامة
==================================
دكتور اسوان
لا بقى انا مش معاك مش علشان كل حاجة غليت يبقى خلاص نكمل على الباقية لالالالالالالالالالالالالا طـبعآ
وايه اخبار الامتحانات

قلب أبيــض said...

لسلام عليكم ستاذة مانى
بصراحة بوست جميل
وجهه فى وقتة
وانا بصراحة متضايق من قرار الوزير بتاع الاتصالات
يلا
حكومتنا على رى واحد
حكومة على حل شعرها
ربنا يطلعنا منها على خير
تحيتى على البوست الرائع
قلب بيض

أمــانــى said...

قلب أبيــض
وعليكم السلام ورحمة الله وبركاته
هى بس على حل شعرها
ده المثل بيقول يا فرعون ايه اللى فراعنك قال مالقيتش حد يلمنى
وتحياتى لحضرتك

رفقة عمر said...

امانى الاستبيان جالك الجرح عارفه انتى قد ايه مضايقه من القرر دة بس الحكومه عارفه الشعب طيب هايتمرد ويغضب فى الاول وبعدين هايرضى بالامر الواقع كعادتنا دايما
ايه الحكومه قالت عليه واحنا قدرنا نغيره اذكرى لى قرر واحد بس اتغير نزولا على رغبه الجماهير
معلش امانى استحملى
ونص البلا ولا البلا كله

ياسر مدني ...دينامو الإخوان said...

إنتظري مني فوازير رمضان
خلق وصحابي بطريقة شعرية

ممكن رأيك في الموضوع بصراحة

أمــانــى said...

رفقتى
هنقول ايه ربنا عليهم وعلى رايك نص البلا ولا البلا كله
:D
==================================
ياسر مدنى
ان شاء الله
بس على فكرة انا ماليش فى الشعر
قولى الاول فى هدايا ولا لاء
:D