الحمــــدلله على كل حال واعوذ بالله من حال اهل النار
ازاى نتعلم نفرح حتى لو حاجة مش كبيرة لازم نفرح ونحاول نطلع من الحزن اللى احنا فيه و لما يكون عندك حاجة تفرحك او تخليك تكون مبسوط أنبسط حتى لو كان سبب صغير اوووى والناس شايفها انها متفرحش او ما تكونش سبب للانبساط لا برضو افرح وانبسط أصلى مش باحب التكشيرة اصل اللى بيكون كشرى وشه بياخد التكشيرة حتى لو ضحك بعد كده استحالة مش بتعرفه بيضحك ولا زعلان زى مدرب الكورة المشهور " ح . ش " انا هاتكفى برموز
الخبر الاول
اللى فرحنى اوووووووووى وكنت سعيدة بالخبر اووووووى خبر حجاب اختى وحبيبتى وعيونى والمقربة الى قلبى ربنا يثبتها يااااارب آمـــــــــــــــــين
الخبر التانى
الفوز بالجايزة
والخبر بالتفصيل فى مدونة الدكتور سكتم بكتم وهى عبارة عن شيكولاته وطبعا لبعد المسافة انا مش هأقدر اخدها يبقى خيرها فى غيرها ولا اخدها فى الشبيسى ودى بصراحة اول مرة اكسب جايزة
:D
تحــــياتى للجمــــــــــــــــــيع
8 comments:
هههههههههههههههههههههههههههههه
ده انتى بتتلككى عشان تفرحى بقا
ماشى ياستى
ربنا يفرحك دايما وزى ما فرحك وبيفرحك فى الدنيا يفرحك فى الآخرة اللهم امين
والف مليووون مبروك على الحجاب وقوليلها تدعيلى أنجح عشان بسمع ان اللى لسة عامل طاعة بيكون دعائه مستجاب
قوليلى ياسمين بتقولك إدعيلها
:(
اما انتى بقا فانا اللى هدعيلك
اللهم إنى أسألك أن تجعل بسمتها عادة وحديثها عبادة وحياتها سعادة وخاتمتها شهادة
اللهم اميييييييييييييييييين
ملحوظة صغننة
إنى أحبك فى الله
:)
جايبة حاجتين جنب بعض مايش نسبة وتناسب
الحمد لله الذي بنعمته تتم الصالحات
أما بخصوص الشيكولاته انتي ما شفتيش المقايضة اللي أنا عملتها
الشيكولاتة من حقي في مقابل الكردكديه وهي هدية مني لبينو
السلام عليكم
جميل اننا نضحك على كل حاجه حتى لو كانت صغيره ايه يعنى لما وانت وماشيه فى الشارع تتكعبلى ويبقى كل الناس اللى حوليكى صعبانه عليهم وانتى حتموتى على نفسك من الضحك
اقولك نكته
مدرس بيقول للطلبه ايه الحيوان اللى بيولد فى السنه مرتين قام واحد وقاله المعزه قاله برافوا ابوك بيشتغل ايه قاله دكتور قاله همم كده اولاد الدكاتره وسأل سؤال تانى ايه الحيوان اللى بيطير وعنده ريش قام واحد وقاله التمساح قاله غبى ابوك بيشتغل ايه قاله رئيس المخابرات قاله والله هو التمساح اذا شد حيله شويه حيطير يعنى اللى طاروا كانوا احسن منه
ربنا يسعدك يا مانو ويفرح قلبك وقلوبنا
ومبروك ل . وربنا يكرمها خير فى حياتها
والشيكولاته مش حتكليها لوحدك وانا عرفت انها خلاص اتصادرت ووصلت عند استاذ بينو هديه من استاذ عصفور المدينه
شوفى يا امانى طبعا انا اول مرة اكتبلك بس مش اول مرة اقرالك والله يا بنتى انتى جميلة اوى من جواكى وتخيلى بأه انا مش باقرا تدويناتك بس لا دانا بادور على تعليقاتك كمان عند الاخرين اول ماباشوف اسمك والله بانبسط"بفتح الباء والسين"علشان انا اسكندرانية.مش عارفة ليه لما باكون متضايقة بتيجى على بالى وبابتسم حساكى متصالحة كده مع كل حاجة ومش شايلة هم ربنا يديمها عليكى وتفضلى كده على طول.انا حبيت الصعايدة على حسك والله مش مجاملة.احبك فى الله
مبروك علي الشيكولاتة
مع أني أنا ماأخدتش شيكولاتي لسه
بس ماعلينا
ربنا يزيدك رضا
ازيك يا جميل
تصدقى فعلا بأتلكك ههههههههههههههههههههه يـــارب يفرج الجميع يـارب اللـــهم آمـــــــــــين
الله يبارك فيكى هاقولها وانتى كمان ادعيلها بالثبات وربنا يوفقها ويسعدها يااااااااارب آمــــــــين ويســـعد الجميع
اللهم امين وانا كمان أحبك فى الله وربنا يوفقك ويكرمك فى الامتحانات وتعدى على خــير يـاااااااااااارب آمــــــــين
===================================
أستـــاذنا عصفور المديــنة
هما طبعآ مفيش نسبة وتناسب بس بجد فرحت اوووووووووى لها علشان الحجاب وحطيت الخير علشان عايزة الكل يدعوا لها ربنا يســعدها ويكرمها ويثبتها وكمان برضو فرحت بالجايزة على الرغم مش هأخدها بس بجد فرحت يمكن بأتلكك زى ما أنســانة قالت أصل حضرتك مع زحمة الحيــاه والروتين القاتل وحالة الملل اللى الواحد فيها فلازم اتلكك لأى حاجة تدخل عليا البسمة وبـخـــــصــوص المقايــضة وانا موافقة وهابعت تفويض للباشمهنــدس بينو علشــان تسلم الجايزة
===================================
نســر
ايــوا ربــنا يفــرحــنا جمــيعآ يــااااااااارب آمــــــــين خلاص
هالتنــازل على الشيكولاته علشان المقايضة ماتخافش هنجيب واحدة على حسابى علشان الفوز
:D
===================================
أمــولة
والله يا اختى اخجلتنى بكلامك اهم شئ انك بتدخلى وده يكفنى ربــنا يكرمك يـارب ويسعدك يـااااارب آمـــــين وبما انك حبيتى الصعايدة وفلازم تجى تزورينا وتنورى بلدنا أحبـك فى الله
===================================
باشــمهنـدس بينو
حضرتك لازم تروح تاخدها انا خلاص عملتك تفويض وهابعتلك كمان التوكيل للاستلام وعلى فكرة انا لسه كمان مديونة لحضرتك بموضوع بس والله انا خايفة اكتب او حتى انزله بس هأستعين بالله وهانزله
ربنا يزيدك فرح
وانا ممكن اخد الشيكولاته نيابة عنك
mraghy
يارب آمـــــــــين
أمممممممم
معلش بقى حضرتك جيت متاخر اصل حصل مقايضة بينى وبين أســـتاذنا عصفور
بس حضرتك متزعلش هات واحدة وانا هادفعهالك فى المدونة
:D
تحياتى لحضرتك
Post a Comment