Thursday, May 24, 2007

تــــــــــاج

كل شوية تاج وبعدين بقى ايه الفال الوحش ده كلنا بقينا ملوك يا عينى يا عينى
وبصراحة انا وباكتبه مخنوقة على الاخر لانى كنت خلصته ورجع اتمسح أهئ أهئ أهئ قال يعنى فاضية علشان اكتبه من جديد يلا الحمد لله على حال واعوذ بالله من حال اهل النارالتاج ده بقى المره دى من ريـمـــــــــــو والباشمهندس مـا عليـنا
أحب شخص لقلبك في الدنيا؟
بابا الله يرحمه وماما واخواتى وناس تانية كتيرة اوووووووووى ومينفعش افضلهم ولا افرزهم واقولهم واحد واحد
انسان مستعد تضحي بحياتك – ركز فى كلمة حياتك – عشانه؟
ماما واخواتى وكل اللى بأحبهم
انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟
صعب اوووى موضوع الكره ممكن الواحد يتخنق يأضايق وخصوصآ من اللى يكدب عليا ولو عمل ايه ابدآ مش بأصدقه تانى واتخنق اكتر من اللى يستغلنى بس اكيد طبعا بأكره الامريكان والصهانية على الاخر خصوصآ بعد كل نشرة اخبار الكره بيزيد عندى
ما هو اسم اجمل كتاب كتبه بشر قراته ومحتفظ به حتي الان؟
الفتنة الكبرى لطه حســــــين وكمان عبقرية صديق لابن أسوان عباس محمود العقاد
بس ممكن سؤال هو الكتب بيترمى ولا ايه ممممممم
اسم كتاب كتبه بشر برضة- انت متعلق بيه وبتقرأه كل فترة؟
فن الذكر والدعاء عند خـاتم الانبياء لمحمد الغزالى باحب اقرأها من فترة لتانية لو حاسة نفسى مش بأدعى كويس او بأصلى علشان اتعودت
اهم جهاز منزلى انت متعلق بيه او بتستخدمه كتير؟
المكواه طبعا لانى يوميــآ لازم أسلم عليها يا الصبح يأما باليل اصلى هطلع مكرمشة ههههههههه والتكييف بما اننا فى فصل الصيف اللى مفيش بينا حب خاااااااالص وهو عارف كده كويس مش بأحبه والكمبيوتر فى الاخرلاننى لازم اخرج يوميــآوطبعا لازم يكون بعد التكييف لان لو الجو سخن اووووووى بيفصل ياعينى بيكون بيموت ههههههههههههه
مكان تحس بالراحة عندما تدخله؟
بيتنا اللى هو دلوقتى فندق للنوم فقط
شىء تحس بالراحة النفسية عندما تنظر اليه؟
الميـــــاه الزرقاء والخضره بأحبهم اووووى وخصوصآ مية النيل لانه هادى مالوش صوت علشان مفيش طبعا أمواج سبحان من خلق وصور ســـبحان الله
مكان تحس فيه بالحنين الى شىء لا تدرى ماهو و ذكريات جارفة الى لاشىء؟
بيت عمتى الله يرحمها ما اجملها ذكريات وخصوصآ انا وهى كنا اصحاب اووووووووى الله يرحمها ويرحم امواتنا واموات المســـــــــلمين
اجمل مدينة زرتها داخل مصر ؟
فى غيرها أســــــــــــــــــــــــــــــــــــــــــــــــوان بلد السد والخزان نرجيسية بقى ههههه وغلاسة
أجمل مكان طبيعي رأيته داخل مصر ؟
منظر النيل خصوصا لو قعدت فى حديقة فريال هتشوف النيل والجنادل الله الله سبحان من خلق وكمان وراها جزيرة الفتين ( جزيرة اسوان ) وبما فيها من نخيل ومزورعاتبس للاسف باقلى فترة طويلة مش باروح اى حته أهئ أهئ اهو اللى اخدناه من الشغل
شخصية كارتونية بتحبها
توم وجيرى في غيرهم لحد الان بأسمعه
انوع هاتفك المحمول؟
حبيب الوطنى العربى اللى بيتهألى ممكن يعملوا مظاهرة لو اتمنع من السوق اكيد طبعا الكل عرف هو ايه
سرعة بروسيسور جهازك؟
لما أســـال مهندس الكمبيوتر
حجم ذاكرة –هارد- جهازك؟
تقريبـآ 80 جيجا
المساحة التى تشغلها المواد الاسلامية على جهازك؟
والله حاليآ الويندوز ضارب كالعادة والله الجهاز بيصعب عليا مطلعة عينه
أهم هدف انت واضعه لحياتك الآن؟
الحـــــق أحــــــــــــق ان يتبع
مواصفات فتى الأحلام بالنسبة لك؟
احلام ايه بس هو احنا لسه هنحلم ههههههههههه
ايه يا جماعة احنا فى جريدة الجمهورية ولا ايه يعنى لو قلنا الموضوع هيجيب همه ولا لاء على العموم مش هأقول حاجة من العشرين صفه الاصفة واحدة
يتــــــــقى الله فى كـــــل شــــــــئ
صف ما يأتى:
شعورك لما بتسمع كلمة مصر ؟
الشعوربالخوف عليها لانى باحس انها حتة منى وانا حته منها باخاف عليها كل ما اسمع خبر مش كويس باخاف عليها لم اسمع الفساد فى كل حتة باخاف من كل حاجة لانها بجد غالية عليا اوووووووووى
شعورك لما بتسمع كلام عن اليهود؟
الاشمئزاز
بأفتكر سيدنا زكريا وسيدنا يحيي وبافتكر سيدنا موسى وعيسى عليهم السلام والفتن ضد اشرف الخلق ســـيدنا محمد عليه افضل الصلاة والسلامده طبعا غير بحر البقر والاسرى المصريين ودير ياسين وصبرا وشاتيلا وجنين وغزة ولبنانومفيش حد سلم منهم مش بأحبهم وضدهم وضد كل واحد يتعامل معاهم يعنى من الاخر عنصرية
شعورك لما بتشوف ظابط شرطة؟
بـــأضحك
لانى الحمدلله بأخد حقى تالت متلات
وكمان بيصعبوا عليا لانهم ناس أضحك عليهم على فكره هم مطحونين على الاخر
شعورك لما بتشوف الكناس العجوز فى الطريق؟
ربنا معاه ويكرمه ويديه الصحة ويرزقه ويبارك فيه
افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟
ليه ميكونش السؤال شاب لابس لبس غريب وعامل شعره مش عارفه ايه
نقول بقى شعورى ايه زمان بصراحة كنت بأخافهم اوووى يمكن علشان الاعلام كان بيوصل صورة ما يعلم بها الا ربنا بس كان فى اســـتاذ فاضل كان منهم بصراحة هو افضل مثال للناس دى لانه بأخلاقه غير الصورة دى تمامآ وكان بيقولوا لنا الناس بتخاف منهم ليه ووضح الصورة طبعا وكان له دور انى مأ خافش منهم اكيد فيهم الكويسين اووووى والاقلية اللى داخلين غلط وعلشان هدف لشئ فى الدنيا سبحان الله بيبان علطول
ربنا يثبتهم ويبثت كل المســــــــلمين
احساس يراودك فى اشارة مرور مغلقة بسبب مسئول كبير؟
باقول مع نفسى هيروح فين من قضاء الله
اختى وحبيبتى رفقة قالتلى لازم تعملى التاج وحتى فكرة الالوان دى اخدتها منها لانى بصراحة ماليش صبر الون كل كلمة وخصوصآ مفيش فى الصفحة دى مميزات زى الوورد علشان الوقت بس الحمدلله وكنت ناوية ابعته التاج لحبيبتى وعيونى ندى فالقيتها عملتها فهى معافاه من هذا التاج

بما انى عانيت لغاية ما كتبته فلازم يعدى على كل مدونة بازورها واللى عنده امتحانات يبقى بعد الامتحانات وربنا يكرمهم بــالنجــاح والتوفيق لان بقى اللى مش هيعمله هو حر ذنبه على جنبه عريضة الدعوى هيكون بكره على باب المدونة
والتاج هيكون من نصيب كل من التالى أسمائهم
الباشمهندس حسن محمود يتصرف حتى يستلف مدونة براحته بقى يعمل مدونة يبقى يا باشمهندس تتصرف الجيش بيقول تتصرف
تحديث
والباشمهندس علاء مش أنا

28 comments:

Anonymous said...

ماشاء الله اجابات حضرتك جميلة وان كانت تنم عن تعصب كامل لأسوان والجنوب
طيب العقاد ده كان سهل تقرى ليه ؟
ده كان بيجيب كل كلمه وكلمه وبقول لا هو قاصد انه يصعب الموضوع

أما اهم جهاز الواحد فده فعلا من وحى البيئة

وكل اجاباتك على اليهود تنطبق معايا نفسى أخلص منهم كلهم

أصيله والله يابنتى

ودمتى بكل خير وحب وتقدير

سلام

عصفور المدينة said...

يا نهارك أبيض يا أستاذة أماني
انت أول واحدة تتجرأي وتعمليها معي
:)
اديني فرصة ليوم الخميس
بس فكريني بالله عليك
وبعدين حتى ذلك الحين
اقري هذه لأخينا أهل الجنة

http://ahl-aljanna.blogspot.com/2007/05/blog-post_27.html

المكواة- التكييف-الكمبيوتر
ده شعار المدرسة عندكم؟

أحمد العربي said...

خير اللهم اجعلة خير
انا شايف اسم مدونتي
بس لية مش عارف
اظاهر كدة تاج
ولعني مش فاهم التطور الطبيعي للقصة التاج دي
الا اني موصلتنيش حاجة
وزمعرفش لو وصلتني الاقيها فين

أمــانــى said...

الباشمهندس حسن محمود
لازم التعصب على الرغم انا ضد العصبية بس مينفعش انا كمان اهمش بلدى زى الدولة
العقاد اول ما اجى أقرأ اقعد متنحة فترة وارجع اعيد تانى اصل التكرار يعلم الشطار هههههههه بس انا اصلا العقاد ما قرايتش له غير عبقرية صديق
بس حضرتك مش ناوى تجاوب على التاج ولا ايه ممممممممممممم
ماليش دعوى اتصرف حضرتك حد يستضيفك عنده اى حاجة بقى
:D

===================================
أســتاذ عصفور المدينة
أيــون يا أستـاذنا هافكر حضرتك ان شاء الله
قرأت الموضوع لأهل الجنة يعنى على كده طــه حســـــين كمان طلع منهم
يلا ربنا يسترها معانا ومع المســــلمين مع كثرة الافكار والخزعبلات والتخاريف ودعاه التحرر والعلمانية
المكواه والتكييف والكمبيوتر مقرر يومى فى ظل الروتين اليومى

===================================
أحمـد العربى
خير ان شاء الله ما تخافش اعمله بس حضرتك :D

الطائر الحزين said...

جزاك الله خيرا انى فى بؤرة الاهتمام
حاضر ساعملة لكن ان تأخرت لا تتعجلى

وطبعا مش هعلق على التاج علشان الاقى حاجة اكتبها هناك فرق كبير بين ما نرجوة وبين ما نفعلة وبين ما نحن علية وما نتمناه كلما قربت المسافة بينهم كلما كنا افضل

رفقة عمر said...

وكنتى مش عايزة تجاوبى على التاج انا استمتعت باجاباتك جدا شوفى بقى بعد وصفك الخطير لاسوان وشكل النيل هناك انا منتظره دعوتك ليا لزيارتكم انتظرنى قربا بس بقى فى امشير او طوبه يكون الجو عندكم صيف ساعتها اعرف بقى استمتع بالزياره

استاذ عصفور المدينه
على فكره انا بعت لك التاج اصلا اشمعنا بقى قبلته من امانى هو فى التدوين هنا وسايط ولا ايه

عصفور المدينة said...

ردين ع التاج ما تفكرنيش خلاص

عصفور المدينة said...

أسف جدا لأستاذة رفقة هي فعلا بدات ولكن انا منطقة تمرر لمين دي أول مرة اقراها هنا عشان حاطاها تحت بعضها كدة آسفين تم تلافي الخطأ في الرد

Alaa said...

سلام عليكم
مدونة جميلة
ربنا يباركلك

Reemo said...

زى ما اتعودت عليكى يا أمانى
جميله ,هاديه , عاقله , متدينه ,حبوبه ومحترمه
كل تاج وانتى طيبه يا حبيبه قلبى
ربنا يكرمك ويوفقك يا رب
محبتى

ma 3lina said...

على طول مستعجلة كده يا حضرة الأفوكاتو .. انا حاسس إنك بتجاوبي ع التاج وانتي بتجري

لا وبرضه الإجابات طلعت مميزة وجميلة .. يعني لوقعدتي كده وكتبتي بالراحة أكيد حتبقى أجمل بكتير

نسرين - أمة الله said...

السلام عليكم
مانو حبيبتى
والله من كتر ما اتكلمتى على الميه والنيل الواحد حاسسس انه موجود دلوقتى فى وسط الميه
ايوه هى الكرويته اللى فى فريال ديه
استنى بقى شويه عليا فى حكايت التاج ده
ربنا يحميك يا مانو ويديك كل الخير

سكتم بكتم said...

مبروك علي الشيكولاته

أمــانــى said...

الطائر الحزين
ولا يهمك المهم حضرتك تعمل التاج

===================================
رفقتى الحبيبة
طبعا انا فى انتظارك يا جميل بس امشير بعيدة يبقى تعالى دلوقتى وفى طوبة
:D
===================================
أستــاذنـا عصفور
ربنا يبارلك ياااااااارب

===================================
علاء
تســلم يا استاذ علاء لازم حضرتك كمان تعمل التاج اصله لذيذ اووى
:D
=================================== ريـــمو
ازيك يا جميل وانتى طيبه يا عسل
بس قوليلى صح مين اللى عاقلة دى مممممممممممممم

===================================
مــا عليــنا
أصل حضرتك الوقت كالسيف وبصراحة تعبت لغاية ما علمته اصلى ظبطته وعملته وكنت حاطة صور وحركات وحاجات دلع راح اتمسح ههههههههه أصلى مش متعودة ههههههه
بس مش عارفه مش باعرف اعمل الحاجة بالراحة لانى والله مطحونة كانى فى دوامة يلا ربنا معانا ومع الجميع ويعين الجميــع يـااارب
:D
===================================
نسر حبى
والله نفسى ازور فريال زى زمان واقعد اتفرج على الميه اهئ اهئ اهئ
هنقول ايه
هأستنى عليكى علشان عارفه الظروف بس طبعا مش كتير
:D

أمــانــى said...

ســكتم بكتم
ايه يا دكتــور بجد بجد انا اخدت الشيكولاته
وووووواووووووووووووو ملعون الرجيم
ههههههههههههههههههههههههههههههههههههههههههههههههههههههههههههه
على فكره اول مرة اكسب جايزة فى حياتى
بجد بجد بجد ميرسى يا دكـــتور ههههههههههههههههههههههههههههههههههههههههههههه

Unknown said...

كل مادخل مدونة الاقى التاج فيها بما فيهم مدونيتى بردو ويكأننا بقينا قاعدين للتاجات بس يعنى

وربنا يسامح اللى بيألفه بقا

وبعدين إتلسعتى من التاج تقومى بعتاه لخلق الله كلهم كدة؟

تعرفى يا أمانى إن جذورى من الجنوب بردو بس اول مرة كنت اشوف الاقصر كان السنة اللى فاتت وقعدت 4 ايام بس .. وكانوا من احلى الايام بجد
كان نفسى ازور اسوان كمان بس محصلش نصيب

عارفة وانا مروحة لاقيت دموعى نازلة ونفسى افضل هناك على طول
:(

المهم ابقى سلميلى على كل حاجة عندك

ومبرووووووووك يا ستى عالشيكولاتة

مع إن الواد كاميكاز مفروووووووس

بس سيبك منه .. كليها بقلب جامد ولا يهمك

:D

Unknown said...

نسيت اقولكككك

وانا بعمل التاج المنحوس ده بردو اتمسح منى واضطريت اكتبه تانى

:(((

يلا حصل خير

دعواتك بقا عشان الامتحانااااااات

سلام يا جميلة

كراكيب عادل said...

عاقلة في اجاباتك

ربنا يكرمك يا رب

علي فكرة انا لو عملت التاج ده فية ناس هتزعل مني

لانهم طلبوا مني من زمان تاجات كتير

وانا امتنعت عنها لضيق الوقت

وحاليا لو عملت تاج هيزعلواااااا

انا هألف تاج قريب واجاوب علية براحتي

:)

مشروع انسان said...

شكرا للتاج قد تم استلامه

صاحب البوابــة said...

اجابات جميلة للغاية

تحياتي اختاة

----------

اشكرك على تمريرك التاج

وبالفعل كنت قد اجبته منذ فترة طويلة عندما مررته لي اختي شهيدة

تحياتي اختاة

وانتظر منك التاج القادم ان شاء الله

BinO said...

السلام عليكم
كنت حبعت لينك موضوع طه حسين بس استاذ عصفور مفوتش الفرصة

أجاباتك صريحة خاصة بالنسبة لموضوع المكواة
أنا برضة مبحبش حد يلمس هدومي أقبل ما البسها غيري
:)

بس المكواة مش حبي الأول

محمد عبد الغفار said...

الله يسامحك

أمــانــى said...

أنســانة
ازيك يا جميل
يا هلا يا هلا بالجنوبين لا بقى المرة الجاية لازم تجى اسوان انا بقى اللى بأقولك

لا قولى كميكاز ما يزعلش انا هاجبله شيكولاته بس طبعا غير الجايزة ههههههههههههههه
ربـنـــا معاكى ويوفقك يـــاااااااااارب آمــــــــــــــين

===================================
الاستاذ عادل
معلش بقى وقتك ضيق ومعندكش وقت وتقولى ناس هتزعل لا قولهم هى هتقطع الميه والنور ايه حضرتك ناسى ولاايه دا انا بأقولك بلد السد والخزان
:D

===================================
أمام الجيل
الشكر لله
فين ايصال الاستلام ههههههه

===================================
صاحب البوابة
يبقى أنا ماخدتش بالى ان حضرتك عملته ولا يهمك اصله كل يوم والتانى تاج
بقى مقرر
:D
===================================
باشمهندس بينو
اها الاستاذ عصفور قام بالواجب
المكواه دلوقتى أساس الحياه
الحمدلله انه مش حبك الاول اصله بيلسع كتير هههه

===================================
أســـتاذنا
الاستاذ محمد
ربنا يسامح الجميع
بس برضو حضرتك هتعمله
:D

šσяšαяαα said...

عليه العوض ومنه العوض فيكى يادماغى

بقى انا هجاوب على دا كله ياربى

كدا بقى عندى 3 تاجات عاوزين يتجاوب عليهم:((((

ادى اخرت اللى يأجل عمل اليوم الى الشهر الجاى..اهىء اهىء

الامر لله بقى بس سبينى شويه اخد نفسى.. من ايه مش عارفه:))

على فكرة اجاباتك تلقائية وعسولة
دا بعيد عن انى هنتحر دلوقت ماللى عملتيه فيااااا

ياللا سلااااام

أمــانــى said...

صرصارة
معلش بقى يا جميل استحملى بقى
:D

هوندا said...

اخلص امتحانات والاقى تاج خبط فى اورتى مرة واحدة تك تك
بس ولا يهمك وحشتييييييييييينى

جبهة التهييس الشعبية said...

حاضر ح اعمل التاج
بس مش دلوقت

دلوقت انا راجعة من المحاكمة نوفي

مستهلكة بدنيا وعصبيا

أمــانــى said...

هوندا
تسلمى يا قمر

===================================
أخــتى نوارة
على راحتك طبعا وربنا يعينك