Monday, May 21, 2007

هل فشل ام نجح الحزب الوطنى



هل فشل الحزب الوطنى ام نجح فى اختياره لمرشحينه فى عضوية مجلس الشورى ام هى لعبة جديدة فى الحقيقة لا افهم كيف يعزز الحزب الوطنى وجوده على حساب اهالى اسوان كيف ياتى بأثنين مرة واحدة على الرغم أنه من المعتاد ياتى بواحد فى حادثة لم يحدث من قبل لانهم سوف يتنافسون على مقعد واحد فما موقف العائلات و القبائل من هذا الانتخاب


قبل ان يفهمنى احد خطأ أننى لست بعضوة فى الحزب الوطنى بل اننى اتحدث عن طبيعة بلدى لان الحزب الوطنى عندهم الاساس و ليس سياسة وانما هى واجهة ومكان شرفى ومنظر لا اكثر من ذلك فقط لانه لو تغير الحزب وبقى حزبآ اخر فهؤلاء الناس هم اول من يسارعون للانضمام الى غيره من كان له الصوت الاعلى فى المجمع الانتخابى صوت العصبية القبيلة ام النفوذ ام المحافظ

لماذا يلعب الحزب الوطنى على هذا الوتر بالذات وهى العصبية القبيلة هل خائف على صورته ام يريد الاحتفاظ بأعلى صوت له فى هذه الانتخابات



طبعا النتيجة جاءت على غير العادة وغريبة وجاءت بمرشحين غير مرغوب فيهم وذلك بسبب تدخل المحاقظ


ولكن يبقى الامل يراودهم لان المرشحين الاثنين من اكبر القبائل عددآ فى السكان وكما يشهد لهم الجميع انهم اكثر من يخرجون للتصويت
ماذا تحمل الايام القادمة
سننتظر


24 comments:

عصفور المدينة said...

إنهم يعملون بطريقة الست الحامل اللي ماشية هناك دي شايفينها
حتجيب يا إما بنت يا إما ولد

وبعدين هذه الطريقة معهودة وقديمة
عندنا في انتخابات مجلس الشعب كان نازل 4
وطني 3 مستقلين وواحد وطني

mohand said...

السلام عليكم
مش عارف ليه لما قريت البوست افتكرت فيلم احمد حلمي جعلتني مجرما
لما قال لحسن حسني ايت يور سيلف
النظريه دي معروفه
يعني اشتت الاصوات بمزاجي احسن ما حد تاني يشتتهالي
بكده واحد من الاتنين هيفوز
علشان زي ما قولتي العصبيه وكده
ولو حد حاول انه يدخل هيتاكل بين الاتنين
نظريه كويسه برضه احي الحزب الوطني عليها
شكله بدأ يغيير من نفسه بجد
--------------------
بالنسبه لماتش الاهلي والزمالك وفرحتك القويه قوي

مبروك عليكم فوزكم علي البدلاء
الاهلي كان بيلعب من غير عشر لعيبه اساسيين
اعتقد ان ده يوضح سبب فوزكم
تحياتي الحاره
انا جيت ارد السلام برضه
ههههههههههههههههههههههههههههههههههههههههههههههههه

ma 3lina said...

والله يا ست اماني اسمحي لي اقول رأيي ..

الحزب الوطني اصبح بؤرة فساد ولا يمكن إصلاحه حتى لو انضم إليه مصلحون

وبالتالي لأنه غير قابل للإصلاح في حد ذاته .. فهو كمان غير قادر على إصلاح البلد

فمفيش داعي نحاول نفهم سياساته لأنها غالبا نابعة من الفوضى والنظر تحت الأقدام

أكبر خدمة ممكن بعملها الحزب الوطني إنه يحل نفسه بنفسه ويحل عن سمانا بقى

تحياتي لك

أحمد سلامــة said...

ايما كان ما يفعله هذا الحزب
فهو بكل تأكيد عمل غير سوى
ولا ياتي من وراءه خير ابدا

Dr.khaled said...

فلندعهم يخططون كما يريدون
فلا خير في كثير من نجواهم

سكتم بكتم said...

أنا وطني وطني وبطنطن وتباها بحبك يا وطنطن

طبعا عارفين يعني أية بطنطن

واللي مش عارف يشوف اللي بيعمله الحزب الوطنطني في الوطنطن بتاعنا

هيا ديه الوطنطنية بجد

أمــانــى said...

الاســـتاذ عصفور
اكيد هتجيب توأم علشان ماحدش يزعل
هو فعلا المعتاد ينزل منهم مستقلين علشان لما ينجحوا يجروا على الوطنى بس الغريبة الاتنين وطنى ربنا يستر

-----------------------------------


الاستاذ مهند
وعليكم الســلام ورحمة الله وبركاته
ياريت تشتيت لا دا الكوم الكبير هو الى هيشيل البيعة

هههههههههه بص بقى قولتوا كفاية ولينا الشرف اننا لعبنا مع برشلونة ودلوقتى ايه بدلاء يعنى هو الفريق ميكونش فريق من غير ابو تريكة وبركات ولا ايه يبقى سرحوا اللعيبة ما فى لعيبة كويسين وكمان لعبوا فى اليابان مش مشكلة المهم الفوز و الاهم نواية تسند الزير يعنى علشان المعنويات هههههههههههه

-----------------------------------

باشمهندس مـا عليــنا
الفساد كاد يقضى علينا
عارف حضرتك الحزب مش هينهار الا من الداخل يعنى لازم تقوم فتنة كبيرة اووووى علشان هذه القلعة تنهار

-----------------------------------

الاستاذ احمد سـلامة
اكيد طبعا مفيش خير هيجى من وراها

-----------------------------------
الدكتور خالد
على ما اعتقد يا دكتور اننا سبناهم كتير اوووى يخططون متى سوف ياتى الوقت الذى نحن نخطط فيه

-----------------------------------
دكــتور سكتم
عندنا يا هلا يا هلا
والله الواحد جاب اخره من كتر الطنطنة اللى احنا فيه يلا هنقول ايه
ربـــنا كريم

friend said...

وماذا كنتي تتوقعين في نتيجه هذه الانتخابات فقد عهدنا في عصر مبارك علي التزوير والفوز باغلبيه لنواب الحزب دائما في صظل حركه الاعتقالات المستمره علي الاخوان والمعارضين

محمد عبد الغفار said...

اللى تغلب به العب به

كراكيب عادل said...

والحل ؟؟؟

mohand said...

السلام عليكم
هنقول تاني
ابو تريكه
عماد متعب
فلافيو
محمد شوقي
بركات
عماد النحاس
شادي محمد
عصام الحضري
دا غير اسلام الشاطر المصاب
مكنش في الملعب من الاساسيين غير وائل جمعه
ها بقي مين من اليابان غيره
ومش تقولي حسن مصطفي
حسن مصطفي كان عنده شلل اطفال في ماتش الزمالك ده
والاخ الفاضل
انيس بوعيان بيلف بالكوره حولين نفسه
احمد ظالم شغال يرجع لوره
واحمد ضعيف مش عارف سموه شديد ازاي كل ما حد يلمسه يقع
سلام

BinO said...

أحم
هو الموضوع عن الحزب الوطني ولا عن الحزب الاهلي
ولا عن أيه
عموماً مش فارقة انا بحب الأسماعيلي

والحزب الوطني بيلعب بطريقة " أللي تغلب به ألعب به " ولا عزاء للتحكيم

:)

.:.-=- ELGaZaLy-=-.:. said...

انتى زملكاوية يا امانى؟؟؟

لا اله الا الله طيب

البلد دى ماشية كوتنشينة حضرتك والشايب هوا المتحكن فينا لحد ما الولد يرجع مع البنت من شرم الشيخ

AHMED SAMIR said...

عادي جدا
هي فكرة ان الاتنين يطحنوا في بعض واللي ينجح في الاخر اهو برضة مرشح الحزب الوطني
في بيتها يعني
سياسة واسلوب ان متأكد انه بيتكتب في الصحف العالمية في باب صدق او لا تصدق
تحياتي ليكي

أبو عمر - الصارم الحاسم said...

قصدك ان الساحة هناك خالية من الاسلاميين


اممممممم

محتاجة تفكير النقطة دي اوي

أمــانــى said...

جزر
اتوقع مزيدآ من التزوير ووجع القلب بس مش عارفه المرة دى هيزور ازاى مممممممم


-----------------------------------
الاستاذ محمد
صدقت يا استاذ محمد اللى تغلبه العبه
-----------------------------------
الاستاذ عادل ابو كراكيب

الحل فين ممممممممم فين مممممممم
القضاء على العصبية القبلية

-----------------------------------
الاستاذ مهند
لالالالالالا يا استاذ مهند هدى اعصابك مش كده مع السلامة الكورة هو احنا واخدين ايه منها
على فكرة نحس الزمالك اتفك لما انا بطلت اشجعهم
تحياتى لحضرتك

-----------------------------------
باشمهندس بينو
الموضوع على الاتنين هههههههههههه اصل حضرتك الاهلى عاملين زى الحزب الوطنى عايزين يفضلوا مسيطريين علطول
بس طبعا ولاد عمنا هم اللى بيقدروا عليهم

-----------------------------------
الاستاذ الغزالى

ايـــــــــون زملكاوية بس خلص سبتهم علشان كده نحسهم اتفك ههههههههه
طب هيرجع امتى الولد والبنت يا ترى مممممممممممم

-----------------------------------
دكتور سمير
ما هى فعلا دلوقتى اللى ماشى فى البلد ساسية الطحن فى كل حاجة يبقى ماجاتش على الانتخابات

-----------------------------------
دكتور الصارم الحاسم
عندنا يا هلا يا هلا
حضرتك الساحة خالية من كل الناس مـــــاعــــــــــدا الوطنى ثم الوطـــــــنى

أحمد العربي said...

هذا هو الحزب الوطني
هذة سياساتة التي لن تتغير
سياسة التخبط وتغليب المصالح
سياسة اديها مية تديك طراوة
لا اعلم هل هو الفكر الجديد الذي يتحدثون عنة
؟؟؟لربما

Alaa said...

الحزب الوطني قال يشتت اصواته بنفسه
بدل ما حد يشتتهاله فعلا

بس اعتقد الموضوع مش متخططله
انما اوقات داخل الحزب بيكون فيه عضوين كبار و الحزب مش عايز يخسرهم و يبدي حد فيهم على التاني
و ممكن ده يكون حصل

يعني المسألة خلطبيطة مش متخططة و لا حاجة

اصلب الحزب الوطني دة شوربة خالص
أقولكوا على سر

والدي من الاخوان لكنه كان في الحزب الوطني لمدة 10 سنين من غير ما يعرفه انه أخ لحد ما وصل لنائب امين الحزب في المحافظة

و ساعتها اتكشف :)

كانت قوايم الوطني بتيجي للاخوة قبل معادها بشهر :)

و عشان كده عارف اساليبهم
ربنا يباركلك على المدونة بجد رائعة
سلام عليكم

7ntklm said...

الانجاز اليفخر به الحزب الوطنى الكبارى والمجارى طبعا وللغرابة فالمجارى طافحة طيلة عصر الرئيس حتى انها مخلوطة بمياه الشرب والكبارى فهى كبارى الموت التى يروح ضحية طرق مصر وكباريها سنويا ويموت بسببها اكثر ممن فقدتهم مصر فى الحرب هيقولو زيادة عدد المدارس تطور طبيعى وعادى نتيجة تزايد السكان

الحزب الديمقراطى سينهار ولم ينجح فى شىء

عاشقة الوطن said...

أمانى حبيبتى

بالمسبة لمجلس الشورى والمرشحين فيه
فانا لسه بسال عن واحد مرشح عندنا تبع حزب ايه ومكنتش متوقعة انه تبع الوطنى وطلع للاسف تبع الوطنى لان الرجل ده كويس الى حد ما

وفيه واحد كمان برضه تبع الحزب الوطنى بس مقولكيش حملة انتحابية ايه
فوق العادة
وتقريبا كده كل المرشحين نفسهم حزب وطنى برضه

مش عارفة هو بقي عامل زى الصك على العملة
بقي صك الحزب الوطنى

ماعلينا

وحشتينييي يامنونتى ياحبيبتى

سلااااااام ياجميل

Anonymous said...

السلام عليكم ياحضرة المحامية

طيب ده سؤال ده؟
فاشل طبعا يابنتى

هو انتى ممكن تعملى من الفسيخ شربات ؟

والله يابنتى انا نفسى مره اشارك فى انتخابات نزيهه علشان يبقى على الاقل عملت حاجه بالبطاقة الانتخابيه اللى خللت فى جيبى

الظاهر انى عملت بطاقه مسرح او سينما
كل اللى بيحصل ده تمثيل فى تمثيل . هو ايه اصلا فايدة مجلس الشورى ده ؟

وعايز أوفر على حضرتك الايام القادمه شايله ايه
طبعا الحزب الوطنى هايفوز
وهى دى عايزه كلام

ياحضرة المحامية علشان خاطرى ركزى فى شغلك وسيبك من الانتخابات
مافيش منها أمل

وصحيح مبروك عليكى المركز التانى فى الدورى المصرى
ماليش فى الكوره بس بشجع الاسماعيلى اللى هو طلع التالت

ودمتى بكل خير وحب وتقدير وسلام وموده

أمــانــى said...

أحمد العربى
ممكن فعلا يكون دا الشعار الجديد وبما احنا فى الحر وكمان نوفر طاقة اديها ميه تديك طراوة

-----------------------------------
علاء
هو فعلا الحزب مش عايز يخسر حد ده اللى اتضح لى بعد ما كتبت البوست لان اكيد الاتنين هيتبرعوا للحزب وده طبعا مكسب وفى صالحهم
الحمدلله ان الوالد طلع منها على خير


-----------------------------------
حنتكلم
ايه ما هو فعلا ده الانجازات المجارى والكبارى اللى لسه اصلا فى مناطق مفيهاش اصلا مجارى واماكن مقيهاش كبارى والقطار كل يوم بياخد بالمئات
يبقى سلامى لى على الانجازات

-----------------------------------
عاشقة الوطن
ازيك يا قطتى
انتى معرفتيش انه بقى فعلا صك لانك لو عايزة تخلصى حاجة ومعاكى كارنيه الهنا والسعد اكيد هتعرفى تخلصى اى حاجة انا اعرف ناس كانوا بيدخلوا ينتخبوا به بدلا من الرقم القومى
:D

-----------------------------------
باشمهندس حسن محمود
فاشــل ده من وجهة نظرنا لان نظرهم عدد المقاعد ده الاهم حتى لو كان على راى المثل العدد فى الليمون
بس ازاى حضرتك معاك بطاقة انتخابية وماحاولتيش تروح تصوت ده خطأ فادح طبعا لانهم اكيد بيستغلوا صوت حضرتك

الله يبارك فيك ومبروك ليكوا كمان وياااارب الموسم اللى جاى يكون لينا او حتى ولاد عمنا
:D

الطائر الحزين said...

السلام عليكم
اهم من الانتخاب
هو هل يكون الشخص المنتخب من النخبة ام لا ؟؟؟؟؟؟؟؟؟
عارفة انا كنت بكر فى ايه لما واحد ممثل بارع يعمل دور فى مسلسل ويقوم بدور مثل نور الدين محمود لا اتصور الا يؤثر هذا الدور فيه فلما اجدة فى المسلسل اللى بعدة يقوم بدور نصاب افهم المعنى
تحياتى

أمــانــى said...

الطائر الحزين
هنقول ايه بس على الزمن
لاحول ولا قوة الا بالله