Wednesday, March 28, 2007

وطنى الجــريــــح

وطنى الجريـــح
لا توجد كلمات لتعبر عن مدى حزني العميق على وطني الغالي وكيف ذبح في مسرحية بشــــعة ومخرجها يستأهل جائزة اوسكار في الإخراج ده غير التأليف السيناريو أأأأأخ يا وطني أما حان الوقت لكي تثوري أما حان الوقت لتقلعي ثياب الخوف أما حان الوقت لكي تقولي لا للظلم
الأستاذ حسن محمود مقاطع و كان مبســـــــــوط اوووووى أن اللجــان فاضية والأستاذ ما علينا مقاطع وعلى فكرة لو كنت شوفت البوست بتاعك قبل ما أروح التصويت أكيد كنت ها فكر من جديد على الأقل حفاظا على صحتي والأستاذ خالد محبط يعنى تقريبا برضو ما راحش والأخت تسنيم مقاطعة والأستاذ حنتكلم كان مقاطع والمعارضة مقاطعة والدينا كلها مقاطعة وكان وجهة نظركم أنكم تفضحوا الحزب الوطني اللي خلاص مش بتفرق معاه الفضيحة ولا بتفرق معاه اى شئ
اســمعوا أخر استـــفزاز رجــال الحــزب الوطني كل من لما يذهب فهو مفوضنا يعنى إيه !!!!؟؟؟؟
يوم الاثنين الموافق 26 مارس من سنة 2007 يوم أســــود في تــاريخ مصـــر التزوير علـــنا في كل مكـــان يوم ذبح مصر
تجربتي مع المزورين أنا بقى روحت وقولت مينفعش المقاطعة علشان ماحدش يصوت مكاني ويزور بأسمى المهم اللجان فاضية تماما ألا من رجال وشباب وفتيات الوطني وبعض من أتوبيسات وسيارات إحدى الشركات بهم موظفين أكيد منتظرين قرب انتهاء علشان يصوتوا مكان كل من لما يذهب على رأيهم البيت عندنا كلهم راحو بدري الاســتفتاء أنا قولت أروح متأخر علشان تعبانة وكمان أشوف لو حد زور مكاني يبقى يومهم اسود من قرن الخروب المهم أول ما دخلت اللجـــنة تقريبا كلنا نعرف بعض لان اللجنة عندنا في القرية بتاعتنا اللي كلهم حزب وطني حتى بيتنا أهئ أهئ
في واحدة من فتيات الوطني قالتلى يا أماني لغاية ما ادورلك على اســمك تصوتي مكان أختك لو مش جاية قولتها نعم !!؟؟ قولتها لا طبــعا المهم البنت خــافت وبتشوفلى اســـمى كان موجود داخل اللجنة ثلاث كشوف المهم حظهم النحس وربنا يفضحهم مرة واحدة وفى صوت واحد اهو اسمك يا امانى قولتهم نعم اسمى تلات مرات قالولى لالالالا ده من المفروض يكون بره وده مش عارف إيه قولتلهم ازاى والناس موقعين هنا مكان أسمائهم يعنى لو الكشف ده بره هيوقعوا فيه ليه قمت بقى عاملة دوشة وقلتهم أنا عايزة تلات ورقات كمان قالولى لالالا ورقة واحدة وقعدت اتخانق معاهم ورجال وشباب الوطني اتلموا عليا ليه كده بس الدوشة دي ما الدنيا ماشية مظبوطة قولتهم مظبوطة ازاى يعنى قولتهم حســــــــــبنا الله نعم الوكـــيل ده اللى قدرت اعمله
المهم في اقل من ربع ساعة أكثر من 13 تليفون لاخواتى الصبيان الحقوا أختكم عاملة فضايح دوشة الفضايح انى أقول كلمة حق :-( يارب ارحمني من عندك وقبل ما أوصل البيت كانوا عرفوا كمان لان التليفون في البيت برضو مش مبطل رن ما أصعبها لحظات الظـــلم و ازاى الناس البسطاء المبرمجين بيدفعوا عن الظلم ياااااااااااااه ما ابشعها لحظات حين تكون لوحدك ومفيش حد معاك وفى الأخر أنا اللي غلطانة منهم لله جابولى انتكاسة منهم لله
أخر تقاليع الظلم والفساد واستخدام النفوذ السيد عميد المعهد العالي للخدمة الاجتماعية ســــخر الموظفين الطلبة والطالبات للتزويرفى أكثر من لجنة للوافدين وصوتوا أكثر من مرة .
يا وطني الجريح لقد اقترب النهاية وأكيد هيجي الساعة واللي هنكسر فيها كل الحواجز ولكِ الله يا وطنى الجريــح ولنا الله

9 comments:

Anonymous said...

اسكتي يااماني انا مخنوق فعلاا والله وتعبان جدا بس هنعمل ايه اظن احنا عملنا اللي علينا بس كلنا فشلنا حتي المقاطعه كله فشل تحياتي ليكي علي هذا البوست الرائع وعلي فكره انا في معهد خدمه انا كمان وشوفت اللي حصل بعيني

7ntklm said...

الزميلة العزيزة امانى اشاركك الاحزان واتمنى ان تكون اخر الاحزان التى تمر على هذا الوطن .

للحظت بتدونتك القيمة ذكر اسمى بالمقاطعة وهذا صحيح ومرة اخرى اسمحى لى سأعرض راى من وجه نظر اخرى حتى لا يمل المطلع او المتصفح او المشارك بمدونتك من مواقف اشخاص قاموا بها بدون عرض اسباب يتفهمها العقل الانسانى .

اولاً: لا يمكن بأي دولة في العالم مهما بلغت من مرتبة سواء أكانت دول عالم أول أو ثاني أو ثالث أو عاشر أن تقر تعديلات علي دستور البلاد بمشاركة 27% فقط من الشعب.

ثانياً: كان من المفترض أن يتم اعادة الأستفتاء بعد المقاطعة- و خاصة ان هذا استفتاء علي تعديل الدستور يعني شريعة الأمة-والمشاركة خاطئة مائة بالمائة. لآنه كما ذكرتى وكما ذكرت وكما ذكرت جميع وكلات الانباء الاخبارية والمراكز والجمعيات الحقوقية بواقعة التزوير .
المشاركة كانت سوف تعطي الأستفتاء نوعا من الشرعية وسوف تكسب الحزب الحاكم قوة أكبر في مواجهة المعارضة بالأضافة الي صعوبة تغيير هذا التعديل مستقبلا بحجة أن كل القوي السياسية بمصر أشتركت به. لقد كان الأشتراك بهذا الأستفتاء سوف يكون بمثابة التعاون علي الأثم والعدوان. وصدقني هذا التعديل طال الزمن أو قصر سوف يزول ان شاء الله خاصتاً بعد واقعة الأحراج للنظام امام العالم

ماذا لو توجه جميع المصريين إلى صناديق الإنتخاب, و قالوا لا؟

كنت سوف تجد نفس نتيجة الأستفتاء يا امانى . ومن يعلم لعل مشاركة أكثرية الشعب المصري كانت سوف تعطي الحزب الحاكم الفرصة ليعلن النتيجة 99.99999%

ولى عودة لو تواجدت اراء اخرى

أمــانــى said...

بلاش تتخنق من دلوقتى حافظ على صحتك الله اعلم بكره فى ايه لــنا الله هو اكرم علينا

أمــانــى said...

هما برضو تقريبا ليهم نفس الرؤية وانهم مقاطعين علشان هيزور ارادة الشعب حتى لو قالوا لا
والــ27% دى برضو متزور يعنى اصلا ماكنش فى استفتاء كان مسرحية حتى مينفعش يتعرض على مسرح للاطفال بس هنقول ايه
حســـــــــبنا الله ونعم الوكيل

Anonymous said...

يا أمانى
انا كنت مبسوط قوى علشان الناس بقت واعيه وعارفه ان الاستفتاء هايتزور هايتزور
وبجد انا فعلا مريت على تلت لجان فى الدقى منهم واحده كانت فى الشغل
وهى دى كانت اكتر لجنه مليانه موظفين انا عارف انهم لازم يمضوا والا هايخدوا خصم وبلاوى تانيه

وانا والأغلبيه كانت عارفه ان الاستفتاء هايمر هايمر
هو أصلا مش قرار سيادى
ده أكيد قرار جاى من بره ولازم يتنفذ

بس والله انا زعلان جدا برضه

بس شوفى
هو أصلا الدستور ده بيتنفذ؟
لا القديم ولا الجديد
يابنتى كله فى الهجايص

ولن أزيد على ما قلتيه
ولنا الله
ولكى الله يامصر

ودمتى بكل خير وحب وسلام
وأهم حاجه الصحة
:)
سلام

أمــانــى said...

ازيــك يا مبســوط افندى
اتمنى ان الناس تكون فاهمة بس الناس والله ما فاهمين حاجة وده المشكلة
وعلى راي حضرتك مفيش دستور بيتنفـذ غير دستور دماغتهم بـــس
لنــا الله ووطنى الجريح لها الله
:)

سكتم بكتم said...

والله عندك حق .تعرفي أنا بحس أن المرة ديه وسعة منهم شوية وبقت بايخة ومكشوفة قوي.علي كل حال حلة الدوشة الي عملتيها.وإذا كنت لسة في بيتكم قولي أما لو أتقبض عليكي زي ما أنا متوقع بتهمة الشغب وأحداث بلبله قوللنا نيجي نزور ونشرب الكركدية الأسواني وندعيلك ربنا يفك أسرك أمييييييييييين

أمــانــى said...

هى ناحية وسعت هى وسعت بعقل ده عايز خياطة من جديد
لا الحمدلله لسه برة ولو حضرتك عايز كركديه ابعتلك والله بس من غير سجون ههههههه

Anonymous said...

والله برافو عليكم ...
ما شاء الله بصراحه حاجه تفرح القلب ..
المصيبه العظمى ليست بالتزوير انما بكم انتم يا من تطبلون مع الطبالين وتلطمون مع اللاطمين ..
ومنكم من يقول لك الله يا مصر .!!!
مع احترامي الشديد لموقف الاخت الكاتبة فهي الاقل قالت لا ولو بهذا البوست فكما يقول رسولنا وحبيبنا فبلسانك وهذا اضعف الايمان .
ولكنني لا أحترم من كان بامكانه قول لا ولكنه لا يجيد الا المتاجرة بالموقف .
ولاكن صريح ولتنظري معي لحجم الماساة انه لو كان كاتب هذا البوست شاب لثارت ثائرة الحشود
ولو كتبه صحفي عربي لامتشق الجميع سيفه للدفاع . بحجة انه يدافع عن مصر .
افتقاد البشر للمبدأ يحيلهم لمجرد ظاهرة , لك محبتي وتقديري