لا لمقاطعة التعديل الدستورى لازم بقى الكل يروح ويقول لأ يبقى بقى لازم نروح لان بقى التزوير بيجى لما احنا نقعد وما نروحش طيب ما فى ورق زيادة يعنى يترمى ونهدر المال العام
انا بقى مش هأسمع كلام حــد ونقول حجج علشان ما نروحش لا بقى هنروح علشــان نقول لأ لمرة فى حيــاتنا
الكارثة الاكبر فى بعض من رجال المعارضة ومش هأقول اسمائهم نايمين فى الحزب الوطنى فى اسوان
ويرجع ويقولك الاخوان المسلمين عاملين مش عارف ايه مع الحكومة ما كفاية بقى كدب على انفسكم
وفى ناس زعلانة اوووى من التعديل الدستورى مش علشان باكيين على البلد لا أبد
و كمان الناس اللى هما اصحاب الحوار المتمدن قال ايه عامليين حملة توقيعات علشان المدعو نوال السعداوى اللى مش عارفه مين اللى مديها الحق انها تتكلم عن مشاكلنا والتوقيعات لنوال تعدى الخمسمائة صوت والعريضة اللى مقدمة للامم المتحدة علشان الاسرى اللى راح دمهم هدر اللى ما فى واحد منهم تعب نفسه ووقع يبقى دول خايفين على البلد لا طبعا
كفاية كده لان اصلا كلامى مش مرتب ولاعايزة ارتبه لان بجد
دماغى هيفرقع وعندى صداع صداع صداع
دماغى هيفرقع وعندى صداع صداع صداع
11 comments:
ممكن بقى اختلف معاكى؟
شوفى ياست أمانى
أنا فعلا كنت ناوى أروح وأقول لا لتعديل الدستور
بس يوم الأحد اللى فات قريت فى الأهرام ان نسبة 89% راضية عن أداء الحكومة
قلت بس
كده يبقى حتى اذا روحنا وقلنا لا هايقولوا 90% موافقين على تعديل الدستور
هاتعملى ايه بقى ساعتها ؟
انما اذا ماحدش راح العالم كله هايعرف ان الحكومة هى اللى فارضه الدستور ده علينا؟
وبعدين ياستى سلامتك الصحية أولا وقبل كل شىء
يعنى لازم تروقى وتهدى أعصابك
كل شىء مقدر ومكتوب
ودمتى بكل خير وحب وتقدير
سلام
أمانى أنا معاكى أنى لازم ننزل ونقول لأ
بس فيه حاجة كمان ممكن نعارض بطريقة أخرى , نلبس أسود من بداية الأسبوع الجاى ونعلق شارات سوداء فى بيوتنا وعلى عربياتنا ونشيل أكلنا فى أكياس سوده مكتوب عليها لا للتعديلات
كمان فيه إعتصام يوم الأحد من الساعة 6 لغاية الصبح ده هيبقى آخر مرة نقدر نقول لأ قبل التعديلات ماتتنفذ
اختلاف الرائ لا يفسد للود قضية
هو حضرتك لسه بتقرأ الاهرام اصل انا الحمدلله مش بأقراها الا يوم الجمعة طبعا علشان بريد الجمعة
بص حضرتك احنا مش هنستنا العالم تشوف لان العالم كلهم عارفيين وايه الفايدة انهم يتفضحوا ما ده العادى والتقارير على مصر مش اووووى يعنى اختلف الوضع طبعا لالالا
الله يسلمك
أأأأأأأه يانى على المقدر والمكتوب واللى مكتوب على الجبين لازم تشوفه العين
يبقى ادعيلى لانى فعلا قربت ألم ورق فى الشوارع
يااااااااارب ارحمنا من عندك
بلاش اعتصامات ولف فى الشوارع لان عدد سكان القاهرة تعدى 18 مليون ولما يطلعوا الشوارع 500 واحد يبقى مالوش لازمة نصيحة اقعد فى بيتكم يابنى وانزل يوم الاستفتاء فقط لاغير نصيحة حافظ على نفسك احسن يطبقوا قانون الارهاب قبل الاستفتاء ده جايز برضو
لا ياست امانى
أنا بطلت أقرا الأهرام من يوم الأحد اللى فات
وشكلى هاقرا الجمعة زيك كده
أنا كنت متخيل انه ممكن يتصلح
انما يظهر مافيش فايده النفاق بيزيد يوم عن يوم
بس هو فى فهمى هويدى يوم التلات
وصلاح الدين حافظ يوم الاربعاء
وسيد على يوم السبت
وأحمد بهجت وسلامه أحمد سلامه
الخمسه اللى الاهرام مستمره علشانهم بس
امممم
بس هابقى أقراهم من على النت بقى
ما أصل هموا دول الخمسه المحترمين بس
ودمتى بكل خير وحب وتقدير
بصى يا أمانى : منتهى آمال الحزن الوطنى إن ينزل أكبر عدد من الناس و مش مهم يقولوا نعم ..يقولوا لأ.. أو حتى يفسدوا صوتهم ..المهم نجمعات و خلاص ..لإن زى ما إنتى عارفة الصنديق متقفلة و جاهزة بالزبط زى ما التعديلات كانت جاهزة من الأول و هذا يفسر إستخدام العنف فى إنتخابات 2005لإن الغرض الأساسى من مجلس الشعب هو تمرير هذه التعيبات التى تمهد للوريث..و على العموم نزلنا أم لم ننزل فالنتيجة معدة سلفاً ..فليه نخليهم يستخدمونا كديكور و ليه كمان نظهر متفرقين فى وجه هذا النظام ..لآزم نكون كلنا على قلب رجلٍ واحد و نقاطع و يبقوا بقى يقولوا إن نسبة الحضور تعدت ال50% !!لإنهم يعلمون أن نادى القضاة سوف يراقب نسبة الحضور..لازم نظهرهم إنهم أقلية كما هو الواقع
أماني .. فكري فيها واحدة واحدة
كان فيها استفتاء تعديل المادة 76 ومع إن الناس راحت .. التعديل تم
وبعدها كان فيها انتخابات الرئاسة .. ومع إن الناس راحت .. حسني مبارك فاز
وبعدها انتخابات مجلس الشعب والناس راحت برضه .. والتزوير ببجاحة كان عيني عينك ..
جربنا إن احنا نروح .. نجرب بقى مرة إن احنا كلنا ما نروحش
المقاطعة مش سلبية .. وتابعي بوست بكرة إن شاء الله وحتعرفي إن المقاطعة عمرها ما كانت سلبية
هما ضامنين النتيجة بصوتنا أو بغيره .. كل اللي عايزينه شكل ناس بتروح عشان صورتهم قدام أسيادهم الأمريكان
فكري كويس ولو اقتنعتي اقنعي كل اللي حواليكي إن مفيش حد يروح عشان يحقق لهم اللي هما عايزينه .. نسبة المشاركة
الزميلة امانى انتى تعلمى راى بمقاطعة الاستفتاء وتطلعتى على مفيهم المقصودة للمقاطعة بنسبالى .
وتواجدى فى الاعتصام يوم الاحد فى الامكان حسب الضوابط من جه المعتصمين , وردود الفعل من قبل الامن سيترتب عليه الكثير على مدى سير النظام للتصويت على التعديلات .
اولا الف سلامة عليكى من الصداع
ثانيا انا زى حسن محمود فى الاحباط اللى جه للواحد لحد ما عملله شلل
الاحباط خلاص بقى حاجة فى دمنا منهم لله اللى جابهولنا
سنين بيربوه فينا
عملوا مننا عجزة فى سن الشباب
انا بعد كده هاقعد فى مدونتك لان خلاص كده انا شايف ان انتى سيبتى الحبل للكلام و الافكار
ايوة كده
شدى حيلك
ربنا يوفقك
خيتي اماني , كتير كنت اقول متلك انه لا لازم اشارك و لو اقول لا ؟؟ و كنا في حيرة فترة الرئاسية انه نروح و لا نقاطع؟ و لا نروح و نشطب اوراقنا و تعتبر لاغيه؟ بعدين ارجع و اقول لحالي منه قولنا لا او اه الي ناوين يعملو حيعملو و بنسبة 99% او 97 % عشان اقناع الراي العام...انا مع الي بقولو نروح و نقولهم لا و مع الي بيقولو نقاطع و نعتصم بالنهاية بطلع انه اروح احط لا و ارجع اعتصم ..يتزور ميتزورش منه لو ما روحت برضك يتزور . مش عارفه ممكن لاني مش بنت بلدكم مش عارفه اوقف مع اي موقف ف خليني ع الحياد .. احييكي خيتي و احيي كل القابضين ع الجمر و دمتم حماة للوطن
تحياتي
استاذ حسن
دول للتنفيس وعلشان تفضل مبيعات الاهرام هى الاعلى وسط الجرائد المسمى بالقومية وكمان المستقلة والمعارضة والاسبوع اللى فات الاستاذ فهمى مقاله اتنشر فى المصرى اليوم لان فى خطوط حمرا والافضل حضرتك تقراهم من عالنت اوفرلك برضو خسارة فيهم بصراحة الجينه
العزيزة تسنيم
اين الرجل الواحد اللى هنكون احنا وراه ونفرض ان النتيجة جاهزة مش معناه اننا نفضل فى مكان اكيد لو كلنا روحنا وقالنا لا هتفرق
مــاعلــينا
نمشى برضو واحدة واحدة معاك كام واحد بيروح الانتخابات كام واحد يعرف لجنته فين كام واحد يعرف فى تعديل دستورى انا بقى من وجهة نظرى نشوف كام واحد فعلا هيعرف يقول لا ونحاسبهم عليه ده رايى الشخصى
:D
حــنتكلم
طيب حضرتك ما نجى نشوف كام واحد هيروح الاعتصام وكام واحد هيقاطع وعلى ما اعتقد اخر مظاهرة كان العدد فيها كام لان ده مهم اووووى
الاســـتاذ خالد
الله يسلمك للاسف الاحباط وصل للركب ده اذا ماكنش خلاص قربنا نفطس منه لان ده فضيان وبيقتلع كل شئ فى طريقه
أخــتى نـــدى
لازم نطلع ونقول لا على الاقل نكون عملنا اللى علينا حفظنا واياكى ويرحمنا من ظلم الظالمين
Post a Comment