السلام عليكم
طبعا كالعادة وبنفس والاعتذرات اللى عفى عليها الزمن
وحشتينى يا مدونتى يا حبيبتى وحشانى المدونات اووووووووووووووى نفسى انظف المدونة من الغبار ونفسى اعمل نيولوك يمكن نفسى تتفتح على الكتابة والعودة من جديد
وادينى اهو بأشحت على المدونة بتاعتى من له فى التصميم فليتكرم مشكوراً بعمل تصميم لذيذ يمشى معايا وياريت يكون روش طحن يجمع كل شئ يعنى المصرى الاصيل والاسوانى الطيب والجنوبية المغلوبة على امرها معلش بقى اصلى خلاص هأفطس من الغيظ والغلب فعايزة تجديد اشحت تانى ولا كفاية على فكرة هيكون مدفوع الاجر كيس دوم مطحون ومعاه كيس كركدية وكيس تمر هندى طبعا الكل بيسأل اشمعنى يعنى مشروبات اصلى عاملة حساب ان الدنيا صيف بقى وعايزين نفعل المقاطعة وماحدش يشرب الكولا والمياه الغازية اللى بتجيب بلاوى زرقا ومن هنا دعوة للعودة الى الطبيعة
طبعا لغاية دلوقتى يا مساء الغلاسة مفيش اى علاقة بين الكلام المكتوب وبين العنوان
ماحدش يستعجل اصل احنا دلوقتى فى موسم اضرابات وطبعا اسوان حبيبى هـدوء
لا اضراب 6 ابريل ولا اضراب 4 مايو ولا اى شئ يذكر بيفرق معانا هههههههه
ناس نفسها خضرا بشكل غير عاااااااااااادى سبحان الله اللهم ادمها علينا نعمة الهدوء قد ايه شعب مسالم
قــولوا بســــــم الله مشــاء الله
طبعا اسوان كده مش من فراغ لا ابداًظروف البلد مختلفه عن اى بلد تانى لانها سياحية والمصنع اليتم الموجود فى اسوان مصنع واحد بس مش بتكلم عن المراكز وعلى فكرة معرفش مرتباتهم بالظبط ايه وحتى لو مرتباتهم مش كويسة الناس برضو مرتاحة لان عندهم اتوبيسات خاص بهم والكهربا عندهم مجاناً يبقى بقى هنتكلم ليه لان الحكومة عندنا رفعت ايدها عن البلد من بدرى
طبعا مش هننسى عيد ميلاد الريس حبيب الملايين بس مش عارفه هل هو حبيب الملايين
بس ربنا يهديه علينا مفيش غير كده اقدر اقوله
وايه حكاية العلاوة ياترى الحكومة هتجيب الفلوس منين ؟؟؟!!!! اكيـد الايام اللى جايه حتجاوب على السؤال ده
ياريت ماحدش يجى عندنا اسوان لان ده كلام ومش كل اللى أقوله تصدقوه
معـلـــش بقى طالبة معايا غلاسة
معلش بقى بوست على الطاير
لا قصدى غلاسه على الطاير
21 comments:
السلام عليكم
يا مساااااااااااء الخير
اهلا..اهلا يا مساء الغلاسه بجد يعنى
ايه يا مانو مالك يا توته
كده شكرا بجد
على العموم اسوان برضو حببتى
وهابى نيو ير
حاجات حلوه وطراطير
وجاتو وفطير
والريس لسه قدامه كتير
عودا احمد وعقبالى
يارب اكتبها لنا
يا ستى ردى علينا
عمالة اتصل بيكى من أمبارح
بس المهم أنك كويسة وراجعة وكمان عايزة تروشى
:)
ولا حتى ماسنجر بتظهرى عليه
شكلك كده اتجوزتى من ورايا
:)
نورتى يا منمونة وان شالله دايما كده منورة
انت بتقولي فيها
انا طول عمري نفي اجي اسوان
ربنا ينولهالي
تحياتي ليكي
ههههههههه ياربى ياامانى مش ممكن انا اديتك حل يابنتى تعملى ايه فى املدونة هههههههه اديتك حلول ها مش حل واحد واخدالى بالك انتى
انا فى الخدمة لو احتاجتى حاجة يعنى
انا لسه داخل من الباب اهو .. وبجد فرحت جدا إنك نزلتي بوست جديد
أهو كده الكلام يا حضرت الأفوكاتو .. والاعتذار مقبول .. بس على شرط لا تتأخري في الكتابة مرة تانية .. وإن كان على النيو لوك .. فاحنا في الخدمة وشعب الأسكندرية تحت أمر شعب أسوان كله
بجد مش عزومة مراكبية
:)
وعليكم السلام ورحمة الله وبركاته
:)
اهم شئ حمدلله علي سلامتك
وبعدين ما نسرين بتعلق اهوه
ايه بقي هي كوسة ولا ايه ؟
تحياتي
اخيرا
الحمد لله عودتك لمدونتك الجميله تانى
يارب دايما
اماني
ازيك ؟؟
طبعا مافيش غلاسة اكتر من كده
واحد ما تعرفيهوش
بيناديكي باسمك
و كمان بيقولك ازيك عادي جدا
بصي
بالنسبة للعلاوة
ما تهزريش وحياة والدك
انا خلاص رتبت نفسي على انها اتضافت للمرتب خلاص
ما تهرجيش يعني
لانها لو ما اتضافتش
مش هضرب في ستة ابريل و اربعة مايو و بس
انا احتمال استقيل اصلا
:D
ايه ده دا مبعوت الى اسوان قريب
حمدا لله على السلامة
ربنا يستر
بأشكر الجميع على تعليقاتهم
بس بجد انا مش عارفه ارد اقول ايه لان النهاردة
ثانى ايام هيجيب تكاليف العلاوة منين وطبعا انتم عارفين الباقى
شــــــــــكرا للجميع
السلام عليكم
ازيك يامنومنتى
نفسي والله اجى اسوان
وحشتينى يامنمونة
والظاهر انا وانتى بنفكر سوا ودمنا محروق برضه سوا سبحان الله
ربنا يحرق دم اللى حارق دمنا يااارب
وحشتينييييييييييييي اوى والله
هى التدوينة اللى فوق مش مسموح فيها التعليق ولا ايه
عموما افتكرت اغنية بتقول
هى هئ هى هئ
اونكل شارون قلانا
هى هء هى هء
القدس هترجعلنا
هى هء هى هء
بعد ما هددناه بالمصاصه وجرينا
زى ماشارون رضخ تحت تهديد المصاصه ورجعنا القدس
حسحس برضه رضخ تحت تهديد السلاح الابيض
واد الشعب كله قلم على قفاه
ليه قافلة التعليقات؟؟
خير ان شاء الله
لا ان شاء الله ازورها قبل موتي
حبيت أسلم بس
تحياتي
أحنا عاوزين نعلق على التدوينه اللى
فوق ولا ايه
على العموم
اسوان جميله برده
وانا رحتها فعلا وكانت رحله جامده
ممكن اطلب لجوء سياسي عندكم
بنت الجنوب
اكيد اسوان بلد جميلة كنت اتمنى ازورها وصلن فى الصعيد للاقصر فقط لسوء حظى
تقبلى تحياتى
واتمنى ان تتواصلى معى
ودمتى بحفظ الله
برغم ان ده بست قديم لكن حبيت أرسل التحية لأسوان و اهلها لأن زوجي اشتغل بها فترة و جيت زرتها حسيت فعلا اد ايه جميلة و اهلها طيبين يارب دايما و تحياتي لك و اسمك حلو قوي
مانعه التعليقات ليه
حضرى عربية رمل
Post a Comment