Sunday, May 4, 2008

اهيمة المحليات

بسم الله الرحمن الرحيم
بناءاً على طلب الاستاذ محمد عبد المنعم حاولت شرح المحليات ولكن يبقى فاضل جزء من السؤال الخاص بالمرأة هأرد على حضرتك فى التعليق وكمان علشان خاطر الباشمهندس ما علينا اللى مقاطع النظام بأكمله لازم تشارك صوتك امانة لان صوتك هيرحوا هيرحوا
المحليات لاتقل اهيمة عن الشعب والشورى على الرغم الصورة اختلفت فى ظل نظام فاسد قلب كل شئ فى مصر ونجح النظام فى ارهاق نائب وعضو الدائرة الانتخابية فى مجلش الشعب لتلبية احتياجات اهل الدائرة حتى لا يدرك ماذا يحدث داخل المجلس الموقر وتمرير القوانين لانه مرهق بمطالب الشعب على الرغم ان هذه الاشياء من مهام واعمال المجالس المحلية والشعبية وهى من المفروض المسئولة امام اهالى المنطقة والمجلس المحلى هو المسئول عن توصيل مطالب الحى او القرية او المحافظة بأكمله من حق اعضاء المجالس المحلية المشاركة مع المحافظة فى خطة التنمية لانهم هم الاعلم بمطالب واحتياجات اهالى المنطقة
وليا رجاء اوعى تضيع صوتك وحاول تختار لازم نختار لان ده نقطة البداية
واللى يعرف عن المحليات اكتر واسلوبه افضل فى توصيل المعلومة يبقى
يتفضل ويكتب لنا حتى نعرف حقوقنا وواجباتنا
اهيمة الادارة المحلية من محاضرة نظام الادارة المحلية للاستاذ/ عبد الباسط شلبى
* التنمية الاقتصادية على مستوى الدولة هى محصلة كمية ونوعية الجهود فى المحليات التى تكون اجزاء الدولة
* التحولات الثقافية والسياسية التى تحدث فى القرى والمراكز فى المحليات تعتبر ركيزة للتطور السياسى على المستوى القومى
* مسارات الانتخابات المحلية , خاصة فى النظم الحزبية تعتبر الاساس فى التخطيط لعملية الانتخابات القومية ككل
* ان مردود العملية السياسية القومية لا يشعر به المواطن الا من خلال تعاملة مع الوحدات المحلية بأجهزتها المختلفة وبالتالى فانتقييمه لما يحدث من إصلاح وتقدم يتأسس على ما يلقاه من خلال هذا التعامل
* ان رضى المواطن عن أداء الوحدات المحلية هو مدخل لشرعية النظام ككل
* أن اصلاح نظام الادارة المحلية هو الضمان الحقيقى للتنفيذ الفعال للسياسات العامة للدولة وأن المشاركة الشعبية على المستوى المحلى هى الركيزة الاساسية للعمل السياسى على المستوى القومى
*أن انخفاض نسبة المشاركة بصفة عامة على المستوى المحلى يفقد , الى حد ما المجالس المنتخبة شرعيتها القانونية
أهداف نظام الادارة المحلية
أولا تطبيق النظام الديمقراطى وذلك من خلال قيام جموع الناخبين فى نطاق كل وحدة محلية باختيار ممثلين لهم يختارونهم بارداتهم الحرة انتخابا مباشرا وحراً وينوبون عنهم فى ادارة شئونهم اليومية مع الاجهزة التنفيذية
ثانيا الانتقال بالخدمات التى تقدم للمواطنين من الحكومة المركزية فى عاصمة الدولة الى المواطن حيث يقيم
ثالثا احداث عملية تنمية محلية حقيقية فى جميع الخدمات التى تقدم للمواطنين وذلك بقصد تحسين الظروف الاجتماعية والاقتصادية فى المجتمعات المحلية
تتكون وحدات الادارة المحلية فى مصر الى خمس وحدات وهى ( المحافظة وعددها 26 محافظة والمراكز وعدده 181 مركز
ومدن وعدده 214 مدينة والاحياء 76 حى و 1179 قرية
اختصاصات المجالس الشعبية المحلية
اولا مجلس محلى المحافظة يتولى الرقابة على مختلف المرافق والاعمال التى تدخل فى اختصاص المحافظة ويتولى الاشراف على خطط التنمية واقرار الموازنة السنوية للمحافظة
ثانيا مجلس محلى المركز يتولى الرقابة على اعمال المجالس الشعبية المحلية للمدن والقرى الواقعة فى نطاق المركز ويتولى الرقابة على مختلف المرافق التى تخدم اكثر من وحدة محلية فى نطاق المركز طبعا فى حدود القوانين واللوائح
ثالثا المجلس المحلى مدينة الرقابة والاشراف على مجالس الاحياء والتنسيق بينها
رابعا المجالس الشعبية المحلية للاحياء الرقابة والاشراف على مختلف المرافق ذات الطابع المحلى فى نطاق الحى
خامساً مجلس محلى قرية الرقابة على مختلف المرافق ذات الطابع المحلى فى نطاقه
ومنها اقتراح خطة تنمية اقتصادية واجتماعية وعمرانيا والعمل على نشر الوعى الزراعى
معلش بقى طولت عليكم

13 comments:

محمد عبد الغفار said...

افدتينا

بس مقاكعه السلطه ارى انها واجب فى الوقت الحالى

AHMED SAMIR said...

كلام جميل يا اماني
بس ما قيمة كل دة وسط جو مشحون بالفساد والتزوير
الكلام عن اهمية المجالس المحلية مجرد كلام نظري بحت
تحياتي

ammola said...

ياأمانى فى وسط الخراب اللى احنا فيه ده
مش أقل من مقاطعة اللى خربوها
لان المشاركة معاهم بيديهم شرعية
يعنى ازاى اقولك ان اللقمة اللى فى ايدك دى مسمومة..وبعدين اقولك ادينى حتة؟؟؟؟؟
يارب نشوفك كتير

ma 3lina said...

الكلام دا زين زين زين والله

بس اسمحي لي مع اعترافي بكل ما ورد في الموضوع .. لكن بيفكرني بدكاترة الاقتصاد في كلية التجارة .. لما قعدوا يتكلموا على النظريات الاقتصادية اللي بتحسن مستوى المعيشة في الدول وواحد سألهم .. هو ليه الكلام دا مش بيتطبق في مصر فالدكتور احتار ومعرفش يجاوب وفي الآخر قال أصل فيه عوامل تانية بتدخل في المواضع

فاسمحي لي حضرت الأفوكاتوا انا مع أحمد سمير .. الكلام نظري .. ولو هو الكلام بس على المحليات بالشكل المذكور فأنا أول المشاركين .. لكن الواقع اللي لازم ناخد بيه من كل جوانبه بيقول إن فيه اضرار من المشاركة .. وأول هذه الأضرار الاعتراف إن فيه مشاركة اصلا وإن فيه عملية سياسية في مصر .. مع إن الداخلية بتدخل في منع مش بس الناخبين .. لا والمرشحين كمان .. يمكن يكون عند حضرتك الترشح أسهل لأنك لا تنتمي لأي اتجاه .. لكن هل تقبلي بخوض انتخابات هناك من لهم الحق مثلك بخوضها منعتهم الداخلية وسمحت لكي وحدك ..

فإذا كان ما ذكرته ضرر .. وما تفضلتي بذكره مصلحة .. فالقاعدة الأصولية وحضرتك طبعا محامية وتفهمي الكلام دا اكتر مني .. بتقول إن دفع الضرر مقدم على جلب المصلحة

رفقة عمر said...

امانى انا جايه ااقولك حمدا لله على سلامتك نورتى مدونتك
انا ماليش فى السياسه

الطائر الحزين said...

افادكم الله

المحليات أهم من الشعب


لانها التعامل المباشر مع الخدمات


تحياتى


حمدا لله على السلامة

mohand said...

معلومات قيمة نشكرك عليها


بس يا ريت ترجعي تاني تدوني مش تنسينا كده


تحياتي

Anonymous said...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Home Broker, I hope you enjoy. The address is http://home-broker-brasil.blogspot.com. A hug.

شقاوة شعب said...

كلام جميل يا امانى
وجزاكى الله خيرا على المعلومة

لكن برضه أؤيد مقاطعتها اللى حصلت ..طالما هتتزور لا محالة يبقى اقاطع عشان افضح التزوير وابينه قوى
لانى لو شاركت ساعتها هتبقى مشاركتى وصوتى هو ورقة بيستعملوها عشان يثبتوا انهم فعلا محبوبين ومن اختيار الجماهير بدليل الننااااس الكتييير اللى صوتت

تحياتى
شيماء

اوعى تفكر said...

مينفعش نخش المحليات وسط الضرب والبهدله
ويا ريت بعد كل ده صوتك هيوصل
حسبى الله ونعم الوكيل

محمد عبد المنعم said...

لا حرمك الله الأجر

أسأل الله أن يستعملك في خدمة دينه على الوجه الذي يرضيه

===

جزاك الله خيرا على المعلومات المفيدة
لكن واضح إن كل الناس عليكي و مش موافقين على المشاركة في ظل هذه الظروف
:(
خليكي ديمقراطية بقى و خدي برأي الأغلبية
:)

===

و أنتظر وعدك بإجابة السؤالين الثاني و الثالث في التعليق أو بتدوينة جديدة مبسطة

المستنصر بالله said...

كلام جميل جدا باشكرك عليه

klmat said...

امانى واحشنى جدا جدا
فينك عايزه اطمئن عليكى
طبعا كلامك مظبوط بس ده لو الامور طبيعيه
لكن العمليه كلها طبيخ
معلش اكلام متأخر
يارب تكونى بخير انتى واسرتك
وكل حبايبك وتكتبى قريب
عميق تحياتى