بصراحة انا مخنوقة اوووى ومضايقة اكتر لاننا كل شوية نرجع لورا من تانى
ونرجع من اول السطر ونشتغل نخون بعض انا مش خاينة ولا عميلة ولا اجندة ومش مذنبة ومش عاصية
نفس السيناريو تانى بعد خطاب مبارك عشان الاستقرار وصالح البلد الراجل يقعد الــ6 شهور
وبرضوساعة شفيق برضو يقعد ده كلها شهور وهو تسير اعمال يا جماعة
احنا بنقول اسقاط النظام يعنى النظام يسقط بحكومته ورموزه ودستوره
وكمان دلوقتى لما قولنا نغير الدستور والاعتراف بالثورة معناها يبقى تغيير الدستور قالوا لينا برضو الاستقرار
اى استقرار فى ظل انتخابات شعب وشورى ورئاسة وبعد كده استفتاء على الدستور الجديد اللى من المفروض هيتعمل ده طبعا ازاى اتعمل
وبعد كده برضو الدستور القديم يسقط ويسقط معاه الرئيس ومجلسى الشعب والشورى وكل انتخاب فيهم هيكلف الدولة 70 مليون جينه هل الدولة مستحملة كل الملايين دى فى انتخابات
ويبقى السؤال
ايـــن الاستقرار؟؟؟
بجد بجد اعصابى تعبانة وانا مش خاينة وانا مش ضد الاستقرار وانا مسلمة الحمدلله وبأقول لالالالالالالالالالالا للتعديل
7 comments:
اللي انا شفته في الشارع اليومين اللي فاتوا من جماعة الاخوان المسلمين
بيقول ان الحزب الوطني....راجع بشكل تاني و اسم تاني
شكلها كده للاسف
نفسى فى دستور جديد يمشى عليها الرئيس اللى يجى ومجلس الشعب اللى يجى مش كتيرة على مصر والله مصر كبيرة ومن حقها دستورها يكون موجودةواللى يجى يمشى عليه مش العكس
امانى مافيش حد بيخون اللى بيقول لا
بس المفروض اللى بيقولوا لا مش يزعلوا ان غاليبة الناس بتقول نعم هو مش استفتاء غريبة قوى انكم عاوزين استفتاء وان الاستفتاء يكون صالح الرأى اللى انتم عاوزينة احنا كمان اللى بنقول نعم مش هانزعل لو الاستفتاء كان الاغلبية لا ومش هانقول ولا كلمة وكمان المتحيزن للفرض المفروض يكون عندهم نفس اليمقراطية اللى بيدوروا عليها
استاذ احمد
انا على فكرة مش برتاح للاخوان
بس انا عاوزة نعم لحاجات كتير قوى قبل ما اعرف ان الاخوان بيقولوا نعم او حتى السلفيين
بس زى مهما بيحشدوا علشان الناس تقول نعم
الكنيسة ايضا بتحشد وايضا اصحاب رأى نعم بيحشود ناس يبقى اشمعنا العين مركزة على الاخوان بس
نفس فكر النظام السابق فزاعة الاخوان كأنهم ليسوا مصرين زينا زيهم وبصراحة لكل مجتهد نصيب
هما بقالهم 80 سنة فى العمل السياسى ولم يحبطوا ولم ييأسوا واكتر ناس اتبهدلت فى كل العصور فين الاحزاب التانية استسلمت للقهر والقمع واصبحت احزاب هزيلة يبقى مش نجى دلوقت ونعيب على الاخوان ونسخر من نشاطهم
اسفه امانى رديت على استاذ احمد
انا هقول نعم ولا الوم او اخون من قال لأ
انا ابويا واخويا واختى بيقولوا لأ وانا وامى مراتى بنقول نعم ولم يلم اياً من الفريقين على حد من الفريق الأخر
ولهذا قلت نعم
http://inside-view.blogspot.com/2011/03/blog-post_17.html
رفقتى
احنا مكانش عايزين اصلا استفتاء وادى بعد مرور اسبوع كامل على الاستفتاء بنتيجة نعم هل حدث الاستقرار هل حدث ما كنتو تتمنوا او بمعنى اصح تعتقدو
اسوء شئ الضحك على الناس وعدم افهامهم لماذا اتباع اسلوب التخويف ؟؟؟؟؟
------------
رفقتى الاستاذ احمد طبعا هو له الاحقية فى الرد عليكى
---------------
استاذ محمد
برضو نعم مبروك عليكم
للاسف عندنا انا بالنسبالهم مش مسلمة وعلمانية وهلم جر عشان بأقول لا
hai htler
Post a Comment