فى البداية انا زملكاوية يعنى ماحدش يدخل يغلط فى الزمالك ده مش تحذير :)) ده لفت نظر اصلى بجد هأزعل على
الزمالك
وعلى فكرة جمهور الزمالك من المفروض ياخدوا جائزة احسن جمهور فى القرن لانهم صابرين
:D
والحمدلله ربنا كرمنا واخدنا الكاس وان شاء الله الانتصارات قادمة
ادخل فى الموضوع بقى
ان شايفة ان الاهلى والزمالك افسدوا الكرة المصرية بسبب حرب شراء اللاعيبين وبجد بيفسدوا الدورى نفسى اشوف دورى قوى محترم حرام عليكم تشتروا الاعيبة وتخلوا باقى الفرق بدون لاعيبه
طبعا هتقولوا هما عايزين يروحوا النوادى دى لاطبعا مش اوووى كده لانه اول ما بيروح بيقعد اغلب الوقت على دكة الاحتياط حرام حرام حرام اللى بيحصل ما عندك لاعيبه كتيرة استغلهم والعب بيهم كلهم مش تزود عددهم وخلاص علشان تاخد الصفقة من النادى الفلانى انا شايفة فى لاعيبة كتيرة كان مستواهم فوق الممتاز للاسف الشديد راحوا الاهلى وخسروا كتير وبرضو منهم راحوا الزمالك وبرضو خسروا كتير ليه العند والمكابرة فى كل شئ
نفسى اشوف الدورى المصرى زى الدورى الاسبانى نفسى اشوف الدورى بتاعنا زى الدورى الانجليزى كاس عالم ايه اللى ناويين تدخلوه انا بقى بأقولكم مش هتشوفها طول ما فى الاهلى والزمالك بالانانية دى
نفسى اشوف مصر متقدمة شئ واحد نفسى اشوف مصر كويسة نفسى اشوف الناس كويسة الواحد تعب من الحاجات اللى بتحصل
ارحمونا بقى
23 comments:
طب منرحم احنا نفسنا ومنتابعش
الأخت الفاضلة : أمانى
السلام عليكم ورحمة الله وبركاته
أولاً أنا لست من متابعى كرة القدم
ولكن لدى دراية بما يحدث على الساحة الكروية
وأود أن أقول لك إذا كان الأهلى والزمالك أفسدوا الساحة الكروية فى مصر
أيضاً الحزب الوطنى أفسد الساحة السياسية
وقد يتساءل البعض .. وما دخل الأهلى والزمالك فى السياسة والحزب الوطنى
أقول له بكل بساطة
لأن كله لعب !!!!!!!
بصراحه انا مش بتابع كورة
ونفسى اعرف اللى بيتابع بيتابعها ليه اساسا
بقت مالهاش طع خالص
ربنا يصبرك امانى
السلام عليكم ورحمة الله وبركاته
لا استطيع ان ادخل معاكى فى حوار عميق لانى ماليش اوى فى الكوره يوم ما اتفرج عليها يكون دورى او كاس عالم
اما كده لا
بس انا اهلاوية
شوفتى الروح الرياضيه
وفعلا اهنيكم على روح الصبر والزمالك فريق محترم بس ظروف النادى وحشه هو دى الى مأثر على الاعيبه على حد علمى
دومتى بخير
والسلام عليكم ورحمة الله وبركاته
والله يا امانى شكلى كده حاقدم استقالتى من الكورة خالص
روحى ذاكرى يابنتى وسيبك م الكورة
استاذ محمد
اهلا بحضرتك
طبعا ازاى منتابعش اممممممممم
لما تغير قناة سبورت ومودرن وتجيب الجزيرة وتجيب المصرى اليوم وتجيب الاهرام وعلى الصفحات الاولى يبقى ايه العمل
اممممممممممم
تحياتى لحضرتك
===================================
mhg1962
وعليكم السلام ورحمة الله وبركاته
اكيد الحزب الوطنى افسد السياسة والاهلى والزمالك افسدوا الكرة وربنا يستر على مصر
تحياتى لحضرتك
===================================
رفقتى
بأتابعها علشان بأحبها وبيكون ادمان :D
كل ما اقول مش هأشجع ومش هأتابع ارجع تانى اجشع واتابع
ربنا يصبرنا على كل شئ
تحياتى يا رفقتى
=================================
مؤمنة
ازيك يا قمر
اهلاوية يا هلا يا هلا
ما انا برضو بأقول كده الادراة مش كويسة زى لما يكون فى البيت فيها مشاكل العيال بيكونوا ايه
:D
تحياتى لكى يا قمر
==================================
امولتى
يا هلا يا هلا بالزملكاوية الاصيلة
:D
ليه بقى هتقدمى استقالتك يا هانم ده علشان مرتضى منصور ولا ايه انتى زعلانة عليه ولا ايه
:D
ولا علشان
:
:
:
اهلاوى
:D
دعواتك خلاص الوقت حان
دعواتك ربنا يستر
تحياتى يا امولتى
السلام عليكم
ما تزعلوش مني، بس بنات اليومين دول وصلوا لمرحلة غريبة جدا
الاهتمام بالكورة و السياسة و الإنجازات العملية خارج إطار الأسرة ...
----
دور المرأة و مجالات اهتمامها و حتى مجالات الترفيه في حياتها ... حاجة تانية
----
المرأة المسلمة لا تشبه أي امرأة أخرى
----
ما حدش يزعل مني بجد، ربنا يسامحني لو أنا غلطت في حد فيكن، و يهدينا للصواب
----
أنا أعرف مثلا زوجة واحد أعرفه مثلا بتحب ترفه عن نفسها في زيارة لأخواتها في الله، في نزهة لطيفة على البحر أو في مكان هادئ، في المطبخ :)، في شوكولاتاية، في البرامج التلفزيونية الخاصة بالأطفال و التربية و الاقتصاد المنزلي مع شوية ترمس، في فنون التريكو و الأعمال الفنية البسيطة.... طبعا أي نوع من أنواع الترفيه دي بيكون له طعم خاص جدا خاصة بعد مجهودات شاقة في أعمال المنزل أو القيام على الزوج و الابن و بعض واجبات الدعوة و الواجبات الاجتماعية و رسالة الماجستير ....:)
----
يعني الست مش شرط عشان بنقول لها الزمي مكانك و قومي على ثغرك، مش شرط إن دا يكون معناه إنها محبوسة و مضيق عليها و منغلقة فكريا و اجتماعيا و ما عندهاش متنفس تنطلق فيه بإبداعاتها الإنسانية
!!!
----
آسف للإطالة و ياريت حضرتك أو حد من الأخوات ما تتضايقوش مني
بصرة ايام ما كنت متابع الكرة
شكرا يا استاذة
السلام عليكم
ازيك يامنمونتى
بجد بجد انا مستغربة للى بيحصل اليومين دول فى صفقات اللاعيبة
الموضوع مكنش كده ابدا
دلوقتى كل همهم حيازة اللاعيبة ويحطوهم على الرف وخلاص بدون أى استفادة خالص
ربنا يستر وميشتروش النادى هو كمان بالمرة
ههههههههههههههههههه
شوفتى اخر ماتش
ايه دا؟.
امال فينك بعد الهزيمتين اللى ورا بعض؟
ماحدش سلمعلوكوا صوت يعنى؟؟؟
سنة اولى تدوين ...اهداء الى من احبهم واتعلم منهم ...جديد على مدونة القسام
السلام عليكم ورحمة الله وبركاته
ايه فين الجديد
مستنينك
والسلام عليكم ورحمة الله وبركاته
السلام عليكم
ازيك يابنتى
والله انا مش هتكلم خالص ان لسه فى حد بيشجع الزمالك علشان بس مزعلكيش يعنى
انتوا فعلا تستحتوا الجايزة دى يابنتى انتوا صبرتوا اوى وتعبتوا اوى
انا شايفه يابنتى ان دا بيحصل فى كل النوادى الاوربيه والافريقيه شراء ثفقات جديدة مش شيفاها انه سبب البوظان
الاستاذ محمد عبد المنعم
مش غريبة ولا حاجة يا استاذ محمد كل شئ اتغير فى حياتنا فكله انعكس على الاطفال والبنات والشباب وكل شئ حتى الطبيعة اتغيرت
اكيد انا مع حضرتك انا المرأة المسلمة لاتشبه اى امرأة اخرى بس ايه المانع الحاجات دى فى البيت وخصوصا لما تكون البنت فاضية يعنى ماوراهاش بيت ولا عيال ولا تقعد تندب حظها ولا ترضى بالواقع وتشوف اهتمامات اخرى دون ان تغضب المولى عز وجل وكله فى اطار الشرع وتعاليم دينا الحنيف
على فكرة كلام حضرتك ميزعلش اصلا بالعكس نحن نحترم جميع الاراء
ومفيش اطالة
وانا اسفة على الرد المتاخر
تحياتى لحضرتك
===================================
الطائر الحزين
ايه الحكاية هما خلوا حضرتك تعتزل الرياضة معلش بقى
ربنا كريم
تحياتى لحضرتك
===================================
قطتى
ازيك يا قمر
اكيد النادى برضو اتباع من غير نعرف
هههههههههههه
ربنا يخليكى يا قمر
===================================
استاذ غزالى
لا ماشوفتش
اصلى ايه مش بأشوف الماتشات علشان الصحة اصلى خايفة من الضغط والسكر
:D
تحياتى لحضرتك
===================================
blue-wave
كنت بأستجم علشان الهزائم
وكمان كنت منتظرة الاهلى يخسر
:D
تحياتى لحضرتك
===================================
alqassam
ياااارب يكون السنة الجديدة لمدونة سعيدة على حضرتك
وشكرا لدعوة حضرتك
تحياتى لحضرتك
===================================
مؤمنة
شكرا ليكى كتير
===================================
ريـنا
يا هلا يا هلا القمر عندنا انا فى حلم وعلم
ازيك يااااااااا قمر طبعا انا عارفكى اهلاوية صميم
لا طبعا في بوظان لما يكون فى خناقات وفضايح على صفحات الجرايد ده غير ان الدورى بيكون ماسخ كانه مفيش فرق بيلعب والسنة بطوله نايمغير كام مباراة بس
يبقى بوظان ولا لاء
===================================
كاشف الاوهام
مضطرة امسح تعليق حضرتك لانه بصراحة مالوش مكان عندى ولا حتى حضرتك
إن شاء الله اخر بوست أكتبه
ويارييت تقرأه نصيحتي لوجه الله
أخوكم ...دينامو الإخوان
كل سنه واانتم بالف خير
اعاد علينا وعليكم وعلى الاسلام رمضان بالخير واليمن والبركات
وجعلنا من الفائزين بليله القدر اللهم امين
وانا مش بحب الكورة
بس ما حبتش اخرج ايدي فاضية كده من غير ما ارد
كل سنة وانتي طيبة
انا اول مرة ازور مدونتك بس فعلا عجبنى الموضوع اوى
انا شايفه ان دى حرب باردة بين النوادى عشان يبوظوا ويفشلوا بعض
مع ان احنا لو اهتمينا شوية بتدريب الاعبين وان يكون فيه منافسه شريفه ومهتمناش بالحاجات السلبية الى ملهاش لازمة هيطلع من عندنا لاعيبه احسن من لاعيبه النوادى الاوربيه
انا من عشاق المصرى البورسعيدى
واعتزلت الكورة كام مرة بس برجع تانى
:)
الأهلى هو المشكلة
كل سنه وانتى طيبه
مبروك للزمالك التعادل :d
Post a Comment